ایران۔ 3 دسمبر (اے پی پی) ایران دے تاریخی شہر شیراز اچ تھیوݨ آلے 43ویں فجر فلم فیسٹیول اچ وفاقی وزیر ثقافت اورنگزیب خان کھچی نامی گرامی پاکستانی فلم بݨاوݨ آلیاں نال پاکستان دی نمائندگی کیتی اَے۔ بُدھ دے ݙینھ اسلام آباد توں جاری پریس ریلیز موجب میلے اچ شرکت کیتے اورنگزیب خان کھچی کوں خاص مہمان دے طور تے سݙیا ڳیا ہا۔ آپݨے خطاب اچ وفاقی وزیر ݙوہیں ملکاں …
فجر فلم فیسٹیول اچ پاکستان دی شرکت، وفاقی وزیر ثقافت اورنگزیب خان کھچی دی پاکستان دی نمائندگی
مزید خبراں
ایران۔ 3 دسمبر (اے پی پی) ایران دے تاریخی شہر شیراز اچ تھیوݨ آلے 43ویں فجر فلم فیسٹیول اچ وفاقی وزیر ثقافت اورنگزیب خان کھچی نامی گرامی پاکستانی فلم بݨاوݨ آلیاں نال پاکستان دی نمائندگی کیتی اَے۔ بُدھ دے ݙینھ اسلام آباد توں جاری پریس ریلیز موجب میلے اچ شرکت کیتے اورنگزیب خان کھچی کوں خاص مہمان دے طور تے سݙیا ڳیا ہا۔ آپݨے خطاب اچ وفاقی وزیر ݙوہیں ملکاں ولوں فلماں دی سانجھی پروڈکشن تے زور ݙتے۔ انہاں آکھیا جو پاکستان اَتے ایران نیڑے دے ہمسایہ ملک ہِن اَے اَتے نیڑے دے سماجی، ثقافتی، مذہبی اَتے بھراواں آلے تعلقات رکھیندن۔ سینما کہیں وی ملک دی ثقافت اَتے ثقافتی قدراں کوں ودھاوݨ دا ہک طاقتور ذریعہ اَے۔ انہاں آکھیا جو پاکستانی سینما گھراں اچ ایرانی فلماں دی نمائش اَتے ایرانی سینما گھراں اچ پاکستانی فلماں دی نمائش اساݙے لوکاں کوں ہک ݙوجھے دے نیڑے گھن آوݨ اچ مدد ݙیسی۔ اے پہلا موقع اَے جو فیسٹیول اچ ترائے پاکستانی فلماں “ایکٹر اِن لاء”، “عمرُو عیار: ایک نئی شروعات” اَتے “ٹیکسالی گیٹ” دی نمائش کیتی ڳئی ۔ انہاں فیسٹیول دا دورہ کیتَے اَتے پاکستانی پویلین اچ انہاں ایرانی سینما فاؤنڈیشن دے چیئرمین نال ملاقات کیتی۔ انہاں کوں پاکستان آوݨ اَتے سینما انڈسٹری دے سٹیک ہولڈرز نال مِلݨ دی دعوت ݙتی۔ انہاں آپݨی حکومت دی پاکستان اچ سینما انڈسٹری کوں ودھاوݨ دے عزم دا اعادہ کیتَے۔
