اسلام آباد۔ 3 دسمبر (اے پی پی) پاک فوج دی ایلیٹ سرچ اینڈ ریسکیو ٹیم سری لنکا اچ ''سائیکلُون ڈِٹوا'' اچ تباہی توں بعد امداد کیتے روانہ کیتی ڳئی اَے، پاک فضائیہ دے خصوصی سی-130 جہاز ایں ٹیم کوں سری لنکا پڄائے۔ تفصیل موجب پاک بحریہ اَتے ایوی ایشن پہلے ای سری لنکا اچ نگرانی، میڈیکل ایویکیویشن اَتے ریسکیو آپریشنز اچ مصروف ہِن ، سری لنکن عوام دی امداد کیتے …
پاک فوج دی ایلیٹ سرچ اینڈ ریسکیو ٹیم سری لنکا اچ امدادی سرگرمیاں کیتے روانہ
مزید خبراں
اسلام آباد۔ 3 دسمبر (اے پی پی) پاک فوج دی ایلیٹ سرچ اینڈ ریسکیو ٹیم سری لنکا اچ ”سائیکلُون ڈِٹوا” اچ تباہی توں بعد امداد کیتے روانہ کیتی ڳئی اَے، پاک فضائیہ دے خصوصی سی-130 جہاز ایں ٹیم کوں سری لنکا پڄائے۔ تفصیل موجب پاک بحریہ اَتے ایوی ایشن پہلے ای سری لنکا اچ نگرانی، میڈیکل ایویکیویشن اَتے ریسکیو آپریشنز اچ مصروف ہِن ، سری لنکن عوام دی امداد کیتے این ڈی ایم اے 200 ٹن امدادی سامان کنٹینر شپ دے ذریعے سری لنکا بھیجَے، وزیر اعظم پاکستان کل دے ݙینھ سری لنکن صدر نال گالھ مہاڑ وی کیتی اَے، وزیر اعظم پاکستان مُتاثرہ مُلکاں انڈونیشیا، تھائی لینڈ اَتے ملائشیا دی قیادت نال وی رابطے کریندے پِئن این ڈی ایم اے سری لنکن ائیر لائنز دی کولمبو توں لاہور پروازاں دے ذریعے ٻیا امدادی سامان بھیجݨ کیتے تیار اَے، این ڈی ایم اے سری لنکن صدر دی درخواست تے سیلاب مُتاثرین دی مدد کیتے پاک فوج دے فولڈنگ برج سودھے ضروری آلات فراہم کریسی، رکاوٹاں دے باوجود پاکستان سری لنکا دے سیلاب مُتاثرین دی مدد کیتے امدادی سامان دی ترسیل جاری رکھی ہوئی اَے۔
