خصوصی لوکاں کوں مکمکل شمولیت اَتے باوقار زندگی دے موقع ݙیوݨ ریاست اَتے معاشرے دی ذمّہ واری اے، چیئرمین سینیٹ

اسلام آباد۔ 3 دسمبر (اے پی پی) چیئرمین سینیٹ سید یوسف رضا گیلانی آکھیا جو خصوصی لوک معاشرے دا اہم اَتے برابر حیثیّت رکھݨ آلا طبقہ اَے، ریاست اَتے معاشرے دی ذمّہ واری اَے جو خصوصی لوکاں کوں پوری شمولیت اَتے باوقار زندگی دے موقع ݙیوے۔ بُدھ کوں سینیٹ سیکرٹریٹ توں جاری بیان موجب سید یوسف رضا گیلانی خصوصی لوکاں دے عالمی ݙینھ دے موقع تے آپݨے سنیھے اچ آکھیا جو معذوری قابلیت دی کمی نئیں جو معاشرتی رکاوٹاں اصل مسئلے ہِن ، بنیادی سہولتاں دا حُصول ہر شہری دا برابر دا حق اَے، تعلیم، صحت، روزگار اَتے سکل ڈویلپمنٹ تئیں پُہنچ خصوصی لوکاں دا بنیادی حق اَے۔ چیئرمین سینیٹ سید یوسف رضا گیلانی آکھیا جو خصوصی لوکاں کیتے قابلِ رسائی انفراسٹرکچر اَتے خصوصی تعلیم دے مرکزاں اچ وَدھارا ضروری اَے، پارلیمنٹ خصوصی لوکاں دے حقوق دے ودھارے اَتے قانون سازی اچ اڳوں اے، خصوصی لوک ہمّت اَتے عزم نال کامیابی دی نویں مثالاں قائم کریندے پئِن ۔ انہاں آکھیا جو معاشرے کوں خصوصی لوکاں کیتے مددگار، محفوظ اَتے بااختیار ماحول ݙیوݨ اساں ساریاں دی ذمّہ واری اَے، آگاہی مہم شمولیندی معاشرے دی تشکیل اچ اہم کردار ادا کریندِی اے۔