سانجھی خوشحالی کیتے علاقائی رابطے اہم ہِن ، دنیا اچ جھیڑے عالمی عمل کیتے خطرہ ہِن ، کشمیر دے جھیڑے دا حل نہ تھیوݨ نال خطے دے امن کوں خطرہ لاحق اَے، نائب وزیراعظم اَتے وزیر خارجہ سینیٹر اسحاق ڈار دا اسلام آباد کانکلیو نال خطاب

اسلام آباد۔ 3 دسمبر (اے پی پی) نائب وزیراعظم اَتے وزیر خارجہ سینیٹر محمد اسحاق ڈار سانجھی خوشحالی کیتے علاقائی رابطیاں کوں اہم قرار ݙیندیں ہوئیں آکھیا جو دنیا اچ جھیڑے عالمی عمل کیتے خطرہ ہِن ، بھارت ہک پاسوں سندھ طاس معاہدہ معطل کرݨ دا اعلان کیتَے، کشمیر دے جھیڑے دا حل نہ تھیوݨ نال خطے دے امن کوں خطرہ لاحق اَے۔ اے ڳالھیں بُدھ کوں اِتّھاں انسٹی ٹیوٹ آف سٹریٹجک سٹڈیز ولوں تھیوݨ آلے ݙو ݙینھ دے اسلام آباد کانکلیو 2025 جئیں دا عنوان ہا: ”ری امیجننگ ساؤتھ ایشیا: سکیورٹی، اکانومی، کلائمیٹ، کنیکٹیویٹی” نال خطاب کریندیں ہوئیں کیتے ۔ نائب وزیراعظم آکھیا جوپاکستان جھیڑیاں دے حل کیتے گالھ مہاڑ اَتے سفارت کاری دی حمایت کریندَے، جنوبی ایشیا کوں غربت ان پڑھتا اَتے اچانک آوݨ آلی آفتاں سودھے بئے چیلنجز دا سامݨا اَے۔ سینیٹر محمد اسحاق ڈار آکھیا جو گزریل مئی اچ پاک بھارت جنگ خطرناک ثابت تھی سڳدی ہئی ۔ انہاں آکھیا جو جنوبی ایشیا اچ سکیورٹی دا منظر نامہ وی ٻہوں اُوکھا اَے، اے سب توں وَدھ آبادی آلا خطہ اَے ایں کیتے جنوبی ایشیا دے ملکاں کوں آپݨے مسئلیاں دے حل دے بارے اچ سنجیدگی نال سوچݨا ہوسی ۔ نائب وزیراعظم اَتے وزیر خارجہ آکھیا جو موسمیاتی تبدیلی ایں ویلھے ہک وݙا چیلنج اَے، عالمی معاشی منظر نامہ بدلدا پئَے، جنوبی ایشیا اچ موسمیاتی تبدیلی اَتے غذائی قلت دے چیلنجز سنگین تھیندے ویندِن ، درجہ حرارت اچ ودھارے اَتے سیلاباں دے معیشت تے تباہ کُن اثر پیندِن۔ انہاں آکھیا جو اسرائیل غزہ اچ انسانیت دا قتل عام کیتَے۔ نائب وزیراعظم آکھیا جو کشمیر دے جھیڑے دا حل نہ تھیوݨ نال خطے دے امن کوں خطرہ لاحق اَے، پاکستان جھیڑیاں دے حل کیتے گالھ مہاڑ اَتے سفارتکاری دی حمایت کریندَے۔ سینیٹر محمد اسحاق ڈار آکھیا جو جنوبی ایشیا اچ موسمیاتی تبدیلی اَتے غذائی قلت دے چیلنجز سنگین تھیندے ویندن، موسمیاتی تبدیلی ایں ویلھے ٻہوں وݙا چیلنج اَے، درجہ حرارت اچ ودھارے اَتے سیلاباں دے معیشت تے تباہ کن اثرات پئں جݙاں جو جنوبی ایشیا دے خطے کوں غربت، ان پڑھتا، اچانک آوݨ آلے آفتاں سودھے بئے چیلنجز دا سامݨا اَے۔ انسٹی ٹیوٹ آف سٹریٹجک سٹڈیز اسلام آباد ولوں تھیوݨ آلے اسلام آباد کانکلیو دے ݙوجھے ݙینھ خمیس کوں اختتامی سیشن اچ سیکرٹری خارجہ آمنہ بلوچ خاص مہمان دی حیثیّت نال شریک تھیسن۔