سردار ایاز صادق دی دیرہ اسماعیل خان وچ پولیس وین تے خوارجی دہشت گرداں دے حملے دی مذمت

اسلام آباد۔ 3 دسمبر(اے پی پی) سپیکر قومی اسمبلی سردار ایاز صادق دیرہ اسماعیل خان وچ پولیس وین تے خوارجی دہشت گرداں دے حملے دی مذمت کریندے آکھیے اے بزدلانہ حملہ ٻہوں شرمناک فعل اَے۔ ہک مذمتی بیان وچ انہاں حملے وچ شہید تھیوݨ آلے اے ایس آئی گل عالم، کانسٹیبل رفیق اَتے سخی جان کوں خراج عقیدت پیش کیتا اَتے شہیداں دے گھر آلیں نال دلی ہمدردی اَتے تعزیت دا اظہار کیتے اَتے آکھیے جو ݙکھی خانداناں دے ڈُکھ وچ برابر دا شریک ہاں ، قوم کوں آپݨے بہادر پولیس جواناں دیاں قربانیاں تے فخر اَے، خوارج دہشت گرد انسانیت دے دشمن ہِن اَے، ریاست انہاں دا قلع قمع کرݨ کیتے پُرعزم اے ، کے پی پولیس ہمیشہ بہادری، فرض شناسی اَتے جرأت دیاں مثالاں قائم کیتن ۔انہاں آکھیے پارلیمنٹ، قوم اَتے ریاست دہشت گردی دے خلاف ہک ہِن ، دہشت گرد آپݨے ناپاک ارادیں وچ کݙاہیں کامیاب نہ تھیسن ، شہیداں دیاں قربانیاں ہمیشہ یاد رکھیاں ویسن ، مُلک دشمن عناصر دے خلاف کارروائیاں مزید تکڑیاں کرݨ دی لوڑھ اے ، پولیس فورس دیاں قربانیاں امن قائم کرݨ دی بُنیاد ہِن ۔ سپیکر سردار ایاز صادق شہیداں دے درجات دی بلندی، زخمیاں دی وقتی صحت چنگی تھیوݨ اَتے سوگوار خانداناں کیتے صبر جمیل دی دعا کیتی اَے