سانجھی خوشحالی کیتے علاقائی رابطے اہم ہِن ، جموں و کشمیر جیھے پراݨے اَتے حل نہ تھیوݨ آلے سیاسی جھیڑے خطے وچ امن و استحکام کیتے خطرہ ہِن ، نائب وزیراعظم سینیٹر محمد اسحاق ڈار

اسلام آباد۔ 3 دسمبر (اے پی پی) نائب وزیراعظم اَتے وزیر خارجہ سینیٹر محمد اسحاق ڈار سانجھی خوشحالی کیتے علاقائی رابطیں کوں اہم قرار ݙیندے آکھیے دنیا وچ جھیڑے عالمی عمل کیتے خطرہ ہِن ، پاکستان بین الاقوامی امن اَتے سلامتی دے ودھارے کیتے کوششاں وچ مصروف اے، جنوبی ایشیا کوں وسائل دی ونڈ خاص طور تے دریاواں دے پاݨیاں تے ودھدے جھیڑیں دا سامݨا اَے، جموں و کشمیر جیھے پراݨے اَتے حل نہ تھیوݨ آلے سیاسی جھیڑے خطے وچ امن و استحکام کیتے خطرہ ہِن ،تکڑے موسمی واقعے اَتے تکھے گلیشیئرز دے پگھلݨ دنیا بھر وچ آبی وسائل، زراعت اَتے روزگار کوں متاثر کیتے۔ اے ڳالھ انہاں انسٹی ٹیوٹ آف سٹریٹجک سٹڈیز (آئی ایس ایس آئی) دے اہتمام نال تھیوݨ آلے ݙو ݙینھ دے اسلام آباد کانکلیو 2025ء بعنوان تھیمیٹک فوکس، ”ری امیجننگ ساؤتھ ایشیا، سکیورٹی، اکانومی، کلائمیٹ، کنیکٹیویٹی” نال خطاب کریندے آکھی۔ تقریب وچ چیئرمین بورڈ آف گورنرز آئی ایس ایس آئی خالد محمود، آئی ایس ایس آئی دے ڈائریکٹر جنرل سہیل محمود، سفارتی کور دے رُکن اَتے خارجہ پالیسی دے ماہراں، سکالرز، ماہرین تعلیم، پریکٹیشنرز دے علاوہ پاکستان اَتے خطے دے ٻئے مُلکاں نال تعلق رکھݨ آلے مقررین وی شرکت کیتی ۔ نائب وزیراعظم آکھیے جو پاکستان ہک ایجھے جنوبی ایشیا دا تصور کریندے جِتھاں رابطے ونڈ دی جاہ گھنن، معیشتاں یکجہتی نال ترقی کرن، جھیڑیں کوں بین الاقوامی قانونی جواز موجب پرامن طریقے نال حل کیتا ونڄے اَتے جِتھاں وقار اَتے عزت نال امن برقرار رہے ۔ انہاں آکھیے پاکستان جنوبی ایشیا دیاں بے پناہ صلاحیتاں دا احساس کرݨ کیتے سارے راضی شریک داراں نال رَل تے کم کرݨ کیتے تیار اے۔ نائب وزیراعظم آکھیے دنیا وچ بدلدے جھیڑے عالمی عمل کیتے خطرہ ہِن ، یورپ، مشرق وسطیٰ اَتے افریقہ وچ جھیڑیں دے نال نال غزہ وچ فلسطینیاں دی اسرائیل ولوں نسل کُشی سودھے علاقائی بحران وی اڄوکے ݙینھاں دے کُجھ تکڑے تاریک ترین باب دی نمائندگی کریندن ۔ انہاں آکھیے 25 مئی وچ 92 گھنٹے دی پاک۔بھارت جنگ وچ خطرناک حد تئیں ودھݨ دا امکان ہئی ، ریاستاں بین الاقوامی قانون اَتے اقوام متحدہ دے چارٹر دے مقصد اَتے اصولاں کوں نظر انداز کریندے جھیڑیں دے حل کیتے طاقت دے استعمال دا سہارا گھنݨا پیا ہئی ۔ انہاں آکھیے امریکہ پاکستان اَتے بھارت وچال صحیح ویلھے تے جنگ بندی کراوݨ وچ اہم کردار ادا کیتے۔ نائب وزیر اعظم سینیٹر محمد اسحاق ڈار آکھیے پاکستان جارحیت کوں ناکام بݨاوݨ اَتے ڈیٹرنس کوں مضبوط کرݨ کیتے عزم اَتے صلاحیّت دا مظاہرہ کیتے، جنوبی ایشیا وچ پائیدار امن کیتے اسٹریٹجک استحکام کوں برقرار رکھݨ دی لوڑھ اے ۔ انہاں آکھیے جنوبی ایشیا کوں وسائل دی ونڈ خاص طور تے دریاواں دے پاݨیاں تے ودھدے جھیڑیں دا سامݨاں جیں دی مثال سندھ آبی معاہدے تے بھارت دے غیر قانونی اَتے ہک پاسے اعلان توں مِلدی اَے۔ نائب وزیراعظم آکھیے جموں و کشمیر جیھے پراݨے اَتے حل نہ تھیوݨ آلے سیاسی جھیڑے خطے وچ امن و استحکام کیتے خطرہ بݨے ہوئن کیوں جو بھارت اَتے پاکستان وچال مذاکرات دا عمل 11 سال توں وَدھ عرصے توں رُکیا ہویا اے۔ نائب وزیراعظم سینیٹر محمد اسحاق ڈار موسمیاتی تبدیلی کوں ہک وجودی خطرہ قرار ݙیندے آکھیے جو ودھدے درجہ حرارت، تکڑے موسمی واقعے اَتے تکھے گلیشیئرز دے پگھلݨ دنیا بھر وچ آبی وسائل، زراعت اَتے روزگار کوں متاثر کیتے۔ انہاں آکھیے جو انتہا پسندانہ سوچ، سیاسی پاپولزم، جمہوری پسپائی اَتے اسلامو فوبیا دا ودھݨ پوری دنیا تے منفی اثر پیندا پئے۔ انہاں آکھیے جو پاکستان دا ہک صاف اَتے پکا وژن اَے جیں دا محور ہک منصفانہ اَتے جامع عالمی نظام اَے اَتے او بلاک پالیٹیکس دا مخالف اے، پاکستان اقوام متحدہ وچ کثیر الجہتی دی وی حمایت کیتی اَتے او ڳالھ مہاڑ اَتے سفارتکاری، جھیڑیں دے پرامن حل سودھے بین الاقوامی تعاون اَتے یکجہتی دی لوڑھ تے زور ݙیندا پئے۔ نائب وزیراعظم آکھیے جو 2025/2026 دی مدت کیتے اقوام متحدہ دی سلامتی کونسل دے منتخب رُکن دی حیثیت نال پاکستان بین الاقوامی امن اَتے سلامتی دے ودھارے کیتے کوششاں وچ مصروف اَے۔ انہاں شرکاء کوں ݙسیا جنوبی ایشیا جیڑھا عالمی آبادی دا 25 فیصد توں وَدھ آباد اَے، کوں غربت، عدم مساوات اَتے ترقیاتی چیلنجز دا سامݨا اَے جنہاں وچ ان پڑھ، بیماری، غذائی قلت، آمدنی وچ فرق، غذائی عدم تحفظ، قدرتی آفات اَتے موسمیاتی تبدیلی دے اثرات شامل ہِن ۔ گلیشیئرز دے تکھے پگھلݨ نال پاݨی دی سلامتی کوں لاحق خطرے دا ذکر کریندے سینیٹر اسحاق ڈار قابل تجدید توانائی، موسمیاتی سمارٹ فارمنگ اَتے آفات نال نبڑݨ دی تیاری وچ سرمایہ کاری تے زور ݙتے۔ نائب وزیراعظم آکھیے جو پاکستان جھیڑیں دے حل کیتے مذاکرات اَتے سفارتکاری دی حمایت کریندے، جنوبی ایشیا کوں غربت ان پڑھ اَتے اچانک آوݨ آلے آفتاں سودھے ٻئے چیلنجز دا سامݨا اے۔ سینیٹر محمد اسحاق ڈار آکھیے جنوبی ایشیا وچ موسمیاتی تبدیلی اَتے غذائی قلت دے چیلنجز سنگین تھیندے ویندِن ، موسمیاتی تبدیلی ایں ویلھے ٻہوں وݙا چیلنج اَے، درجہ حرارت وچ ودھارے اَتے چھل دے معیشت تے تباہ کُن اثرات پیندے پِن جݙاں جو جنوبی ایشیا دے خطے کوں غربت، ناخواندگی ، اچانک آوݨ آلے آفتاں سودھے بئے چیلنجز وی درپیش ہِن