قومی اسمبلی دا اجلاس 8 دسمبر شام 5 وڄے تئیں مُلتوی

اسلام آباد۔ 5 دسمبر (اے پی پی) قومی اسمبلی دا اجلاس 8 دسمبر شام 5 وڄے تئیں مُلتوی کر ݙتا ڳیا۔ قومی اسمبلی دا اجلاس پینل آف چیئر پرسن نزہت صادق دی صدارت اچ پارلیمنٹ ہاؤس اچ منعقد تھیا۔ تلاوت کلام پاک، نعت، حدیث اَتے قومی ترانے توں بعد وقفہ سوالات دے آغاز تے اپوزیشن رُکن صبغت اللہ ولوں کورم دی نشاندہی کیتی ڳئی۔ ڳنتری توں بعد مذکورہ تعداد پوری نہ تھیوݨ تے ایوان دی کارروائی 15 منٹ کیتے مُلتوی کرݙتی ڳئی۔ ایں وقفے توں بعد ول اجلاس دا آغاز تھیا اَتے ڳنتری کیتی ڳئی۔ ایم این ایز دی لازمی تعداد پوری نہ تھیوݨ تے پینل آف چیئر پرسن نزہت صادق قومی اسمبلی دا اجلاس سنوار 8 دسمبر شام پنج وڄے تئیں مُلتوی کرݙتا۔