اسلام آباد۔ 5 دسمبر(اے پی پی) وزیراعظم محمد شہباز شریف فیلڈ مارشل سید عاصم منیر کوں مُلک دے پہلے چیف آف ڈیفنس فورسز دے تاریخی تقرر تے دلوں مبارخ پیش کریندے آکھیے جو قوم دی سلامتی دے رکھوالے دے طور تے انہاں دی قیادت دا اساݙی بہادر مسلح افواج کوں معرکہ حق اچ فیصلہ کن فتح تئیں پُڄاوݨ اچ بُنیادی کردار اے۔ایکس تے آپݨے پیغام اچ وزیراعظم آکھیا جو پاکستان …
وزیراعظم محمد شہباز شریف دی فیلڈ مارشل سید عاصم منیر کوں پاکستان دے پہلے چیف آف ڈیفنس فورسز مقرر تھیوݨ تے مبارخ
مزید خبراں
اسلام آباد۔ 5 دسمبر(اے پی پی) وزیراعظم محمد شہباز شریف فیلڈ مارشل سید عاصم منیر کوں مُلک دے پہلے چیف آف ڈیفنس فورسز دے تاریخی تقرر تے دلوں مبارخ پیش کریندے آکھیے جو قوم دی سلامتی دے رکھوالے دے طور تے انہاں دی قیادت دا اساݙی بہادر مسلح افواج کوں معرکہ حق اچ فیصلہ کن فتح تئیں پُڄاوݨ اچ بُنیادی کردار اے۔ایکس تے آپݨے پیغام اچ وزیراعظم آکھیا جو پاکستان دے عوام فیلڈ مارشل سید عاصم منیر دی ایں جرات مندانہ اَتے بہادرانہ قیادت کوں ہمیشہ یاد رکھیسن جیں جنگ دے اوکھے توں اوکھے حالات اچ مسلح افواج کوں متحد، پُوری قوم کوں رَلایا اَتے وطن عزیز کیتے تاریخی کامیابی پکی بݨائی۔وزیراعظم ایئر چیف مارشل ظہیر احمد بابر سدھو کوں وی مدت ملازمت اچ توسیع تے دلوں مبارخ ݙتی۔ وزیراعظم آکھیا جو انہاں دی شاندار قیادت اچ پاک فضائیہ بے مثال پیشہ ورانہ مہارت دا مظاہرہ کریندے ست دشمن طیارے اَتے جدید میزائل دفاعی نظام تباہ کیتے اَتے پاکستان دی فضائی برتری کوں مزید مضبوط کیتا۔ وزیراعظم آکھیا جو سارے قومی ادارے پاکستان دے دفاع، ترقی اَتے خوشحالی کیتے متحد ہِن۔ انشاء اللہ، اساں رَل تے آپݨے وطن دے دفاع کوں حقیقی معنیں اچ ناقابل تسخیر بݨیسوں۔
