بھارتی میڈیا کوں کوڑ دے علاوہ کُجھ نی آندا، اڈیالہ دے ٻاہر امن و امان دی صورتحال خراب کرݨ دی کہیں کوں اجازت کائنی، وفاقی وزیر اطلاعات عطاء اللہ تارڑ

اسلام آباد۔ 5 دسمبر(اے پی پی) وفاقی وزیر اطلاعات و نشریات عطاء اللہ تارڑ آکھیے جو بھارتی میڈیا کوں کوڑ دے علاوہ کُجھ نی آندا، اڈیالہ جیل دے ٻاہر امن و امان دی صورتحال خراب کرݨ دی کہیں کوں اجازت کائنی، جیڑھے وی جیل رولز دی خلاف ورزی کریسی اوں کوں بانی پی ٹی آئی نال ملاقات دی اجازت نہ ہوسی۔پارلیمنٹ ہاؤس اچ میڈیا نال ڳالھ مہاڑ کریندے ہک سوال دے جواب اچ وفاقی وزیر اطلاعات آکھیا جو بھارتی میڈیا کوں کوڑ دے علاوہ کُجھ نی آندا، انہاں کوں شرم کرݨی چاہیدی اے۔ ہک ٻئے سوال دے جواب اچ انہاں آکھیا جو وݙے وݙے سینئر صحافیاں کوں قوم توں معافی منڳݨی چاہیدی اے، انہاں چاہ دی پیالی اچ طوفان کھڑا کیتا ہویا ہئی، پُورے سوشل میڈیا اَتے الیکٹرانک میڈیا تے افواہیں کھنڈاوݨ آلیں کوں اڄ قوم دے سامݨے شرمندہ تھیوݨا چاہیدے۔وفاقی وزیرآکھیا جو پاکستان دا دفاع مزید مضبوط تھئے، پاکستان سٹرکچرل تبدیلیاں کرتے دشمن کوں خوفزدہ کرݙتے، ساریاں فورسزدی متحدہ کمانڈ قائم کیتی ڳئی اے، ایں نال اساکوں جنگ اچ فتح ملی، اساں مشرقی اَتے مغربی سرحداں کوں مضبوط کیتا، دشمن کوں شکست ݙتی، اڳوں دشمن جرات نہ کریسی۔