کابینہ دی اقتصادی رابطہ کمیٹی وزیراعظم رمضان ریلیف پیکیج کیتے 19 ارب روپے جاری کرݨ دی منظوری ݙے ݙتی

اسلام آباد۔ 19 فروری(اے پی پی) کابینہ دی اقتصادی رابطہ کمیٹی (ای سی سی) وزیراعظم رمضان ریلیف پیکیج (پی ایم آر آر پی) 2026 کیتے 19 ارب روپے جاری کرݨ دی منظوری ݙتی اےن۔ ای سی سی دا اجلاس اسلام آباد اچ وفاقی وزیر خزانہ سینیٹر محمد اورنگزیب دی زیرِ صدارت تھیا۔ اجلاس اچ وفاقی وزیر سید عمران احمد شاہ اتے ٻئے اعلیٰ حکام شرکت کیتی۔ فنانس ڈویژن کمیٹی کوں ݙسایا جو موجودہ مالی سال کیتے رمضان پیکیج دی مد اچ پہلے ہی 19 ارب روپے بجٹ اچ رکھیے گئے ہن اتے لوڑھ دے مطابق باقی فنڈز وی جاری کیتے ویسن۔ ای سی سی فوری طور تے 19 ارب روپے جاری کرݨ دی منظوری ݙتی تاں جو اے پیسہ ویلھے تے ونݙیا ونڄ سڳے۔ اجلاس کوں ݙسایا ڳئے جو اضافی فنڈز دا فیصلہ ضرورت دے مطابق کیتا ویسی، وزیراعظم رمضان ریلیف پیکیج 2026 دے ذریعے غریب خانداناں کوں مالی امداد ݙتی ویسی جیندے کیتے این ایس ای آر (NSER) دے ڈیٹا توں فائدہ چاتا ویسی تاں جو شفافیت برقرار رہوے اتے رقم براہِ راست بینکاں دے ذریعے مستحقین تک پڄے