واشنگٹن۔ 20 فروری (اے پی پی) وزیراعظم محمد شہباز شریف پاکستان تے امریکہ وچال ودھدی ہوئی معاشی شراکت داری تے ݙوہیں ملکاں دے نجی اداریاں وچال مشترکہ منصوبیاں کوں متحرک کرݨ اچ انٹرنیشنل ڈویلپمنٹ فنانس کارپوریشن (ڈی ایف سی) دے اہم کردار کوں سراہیا اتے توانائی، کان کنی، زراعت تے آئی ٹی دے شعبیاں اچ منصوبیاں کیتے فنانسنگ ودھاوݨ تے زور ݙتے۔ جمعے کوں وزیراعظم آفس ولوں جاری بیان دے …
وزیراعظم شہباز شریف دی ڈی ایف سی دے عہدیداراں نال ملاقات ، توانائی، کان کنی، زراعت تے آئی ٹی دے شعبیاں اچ فنانسنگ ودھاوݨ تے زور ݙتے
واشنگٹن۔ 20 فروری (اے پی پی) وزیراعظم محمد شہباز شریف پاکستان تے امریکہ وچال ودھدی ہوئی معاشی شراکت داری تے ݙوہیں ملکاں دے نجی اداریاں وچال مشترکہ منصوبیاں کوں متحرک کرݨ اچ انٹرنیشنل ڈویلپمنٹ فنانس کارپوریشن (ڈی ایف سی) دے اہم کردار کوں سراہیا اتے توانائی، کان کنی، زراعت تے آئی ٹی دے شعبیاں اچ منصوبیاں کیتے فنانسنگ ودھاوݨ تے زور ݙتے۔ جمعے کوں وزیراعظم آفس ولوں جاری بیان دے مطابق ڈی ایف سی دے چیف ایگزیکٹو آفیسر بینجمن بلیک واشنگٹن اچ وزیراعظم نال ملاقات کیتی اے۔ وزیراعظم آکھیا اے جو روزگار دے موقعے پیدا کرݨ کیتے ڈی ایف سی دا کردار بہت اہم اے۔ انھاں ڈی ایف سی کوں دعوت ݙتی جو او پاکستان دے توانائی تے آئی ٹی جیہڑے شعبیاں اچ آپݨی سرمایہ کاری ودھاوے۔ وزیراعظم ڈی ایف سی دے ہک بلین ڈالر توں زیادہ دے پورٹ فولیو دی تعریف کیتی تے انھاں کوں اپریل اچ اسلام آباد اچ تھیوݨ آلی معدنیات کانفرنس اچ شرکت دی دعوت وی ݙتی۔ بینجمن بلیک پاکستان اچ سرمایہ کاری ودھاوݨ اچ دلچسپی دا اظہار کیتا اتے وزیراعظم انھاں کوں جلدی پاکستان دا دورہ کرݨ دی دعوت ݙتی۔
