واشنگٹن۔ 20 فروری (اے پی پی) وزیراعظم محمد شہباز شریف اتے امریکہ دے وزیرِ خارجہ مارکو روبیو پاکستان تے امریکہ وچال آپسی تجارت، اقتصادی سرگرمیاں دے فروغ تے انسدادِ دہشت گردی دے شعبے اچ تعاون کوں ٻیا مضبوط بݨاوݨ تے اتفاق کیتے، جڈانجو وزیراعظم تیزی نال بدلدی ہوئی عالمی صورتحال اچ مشترکہ مقاصد دے حصول کیتے ݙوہیں ملکاں دے درمیان اعلیٰ سطحی رابطیاں کوں جاری رکھݨ دی اہمیت تے زور …
وزیراعظم شہباز شریف اتے امریکی وزیرِ خارجہ مارکو روبیو دی ملاقات ، آپسی تجارت، اقتصادی سرگرمیاں تے انسدادِ دہشت گردی اچ تعاون کوں مضبوط بݨاوݨ تے اتفاق تھیا
واشنگٹن۔ 20 فروری (اے پی پی) وزیراعظم محمد شہباز شریف اتے امریکہ دے وزیرِ خارجہ مارکو روبیو پاکستان تے امریکہ وچال آپسی تجارت، اقتصادی سرگرمیاں دے فروغ تے انسدادِ دہشت گردی دے شعبے اچ تعاون کوں ٻیا مضبوط بݨاوݨ تے اتفاق کیتے، جڈانجو وزیراعظم تیزی نال بدلدی ہوئی عالمی صورتحال اچ مشترکہ مقاصد دے حصول کیتے ݙوہیں ملکاں دے درمیان اعلیٰ سطحی رابطیاں کوں جاری رکھݨ دی اہمیت تے زور ݙتے۔ جمعے کوں وزیراعظم آفس دے میڈیا ونگ توں جاری بیان دے مطابق وزیراعظم محمد شہباز شریف بورڈ آف پیس لیڈرز دے اجلاس دے موقع تے امریکی وزیرِ خارجہ مارکو روبیو نال ملاقات کیتی اے۔ ایں موقع تے نائب وزیراعظم تے وزیرِ خارجہ سینیٹر محمد اسحاق ڈار وی وزیراعظم دے نال ہن۔ وزیراعظم امریکی صدر ڈونلڈ ٹرمپ تے وزیرِ خارجہ مارکو روبیو کوں بورڈ آف پیس دے کامیاب افتتاحی اجلاس کراوݨ تے مبارکباد ݙتی اتے ایں عزم دا اعادہ کیتا جو پاکستان غزہ امن منصوبے تے عملدرآمد کیتے بورڈ آف پیس دے نال رَل تے کم کرݨ کیتے تیار اے۔ ݙوہیں پاسوں پاکستان تے امریکہ دے سٹرٹیجک تعلقات دی اہمیت کوں اجاگر کیتا ڳیا اتے صدر ڈونلڈ ٹرمپ دی قیادت اچ شراکت داری دے مثبت تسلسل تے اطمینان دا اظہار کیتا ڳیا۔
