سینیٹ اجلاس وچ چار نجی ٻل متفقہ طور تے منظور

اسلام آباد۔ 23 فروری (اے پی پی) سینیٹ اجلاس وچ چار نجی ٻل متفقہ طور تے منظور کر ڳھدے گئن ۔ منظور کیتے ونڄݨ آلے ٻلز وچ زکوٰۃ و عشر (ترمیمی) ٻل 2025، اسلام آباد کیپیٹل ٹیریٹری ممانعت جسمانی سزا (ترمیمی) ٻل 2022، نیشنل سکیورٹی کونسل (ترمیمی) ٻل 2023 تے ضابطہ فوجداری (ترمیمی) ٻل 2024 شامل ہن ۔ اے ٻل ایوان وچ سینیٹرز ضمیر حسین گھمرو، سعدیہ عباسی تے شہادت اعوان ولوں پیش کیتے ڳئن ۔ ایوان انھاں ٻلز دی شق وار منظوری ݙتی۔ ایندے نال ہی چیئرمین سینیٹ سید یوسف رضا گیلانی ݙو ٻلزالبیرونی انٹرنیشنل یونیورسٹی ٻل 2025 تے کارپوریٹ سوشل رسپانسبلٹی ٻل 2026 کوں تفصیلی غور کیتے متعلقہ قائمہ کمیٹیاں دے حوالے کر ݙتا۔ سینیٹرز خالد طاہر تے شیری رحمٰن ایوان وچ البیرونی انٹرنیشنل یونیورسٹی اسلام آباد دے قیام بارے ٻل تے کارپوریٹ سوشل رسپانسبلٹی ٻل 2026 پیش کیتا۔