دوحہ۔ 24 فروری (اے پی پی) وزیراعظم محمد شہباز شریف تے قطر دے نائب وزیراعظم و وزیرِ مملکت دفاعی امور شیخ سعود بن عبدالرحمن بن حسن بن علی الثانی خطے وچ امن و استحکام ودھاوݨ سانڳے مذاکرات، کشیدگی وچ کمی تے اجتماعی کوششاں دی اہمیت تے زور ݙتے ۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف نال قطر دے نائب وزیراعظم تے وزیرِ مملکت …
وزیراعظم محمد شہباز شریف تے قطر دے نائب وزیراعظم شیخ سعود بن عبدالرحمن بن حسن بن علی الثانی وچال خطے وچ امن و استحکام ودھاوݨ سانڳے مذاکرات
دوحہ۔ 24 فروری (اے پی پی) وزیراعظم محمد شہباز شریف تے قطر دے نائب وزیراعظم و وزیرِ مملکت دفاعی امور شیخ سعود بن عبدالرحمن بن حسن بن علی الثانی خطے وچ امن و استحکام ودھاوݨ سانڳے مذاکرات، کشیدگی وچ کمی تے اجتماعی کوششاں دی اہمیت تے زور ݙتے ۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف نال قطر دے نائب وزیراعظم تے وزیرِ مملکت دفاعی امور شیخ سعود بن عبدالرحمن بن حسن بن علی الثانی اتھاں ملاقات کیتی اے، نائب وزیراعظم و وزیرِ خارجہ اسحاق ڈار، وفاقی وزیرِ اطلاعات و نشریات عطاء اللہ تارڑ تے وزیراعظم دے معاون خصوصی طارق فاطمی وی ملاقات وچ موجود ہن۔ملاقات دے دوران وزیراعظم محمد شہباز شریف تے قطر دے نائب وزیراعظم و وزیرِ مملکت دفاعی امور دفاع تے سکیورٹی وچ ݙوطرفہ تعاون تے ڳالھ مہاڑ کیتی تے پاکستان تے قطر وچال مضبوط تے تاریخی تعلقات دا اعادہ کیتا۔ وزیراعظم ݙوہیں ملکاں دی مسلح افواج وچال جاری تعاون تے اطمینان دا اظہار کیتے۔ انھاں دفاعی تعاون کوں مزید مضبوط بݨاوݨ تے تعاون کوں وسعت ڈیوݨ کیتے پاکستان دے عزم تے زور ݙتے۔ شیخ سعود پاکستان دی مسلح افواج دی پیشہ ورانہ مہارت دی تعریف کیتی ݙوہیں ملکاں وچال دفاعی شراکت داری کوں مزید ودھاوݨ اچ قطر دی دلچسپی دا ݙسایا۔ ملاقات وچ علاقائی صورتحال بالخصوص ایران تے افغانستان دی صورتحال تے وی ڳالھ مہاڑ کیتی ڳئی تے خطے وچ امن و استحکام کوں ودھارا ڈیوݨ کیتے مذاکرات، کشیدگی وچ کمی تے اجتماعی کوششاں دی اہمیت تے زور ݙتا ڳیا۔ ݙوہیں پاسوں خطے وچ امن و استحکام ودھاوݨ سانڳے مذاکرات، کشیدگی وچ کمی تے اجتماعی کوششاں دی اہمیت تے زور ݙتا ۔ ملاقات وچ پاکستان تے قطر ے سانجھی دلچسپی دے سارے شعبیں وچ اپݨی سٹریٹجک شراکت داری کوں مزید اُچا کرݨ دے سانجھے عزم دی عکاسی کیتی ڳئی۔
