باکو۔20 ستمبر (اے پی پی) آذربائیجان دے دارالحکومت باکو اچ پاکستان دے سفارتخانے اتھاں منعقدہ قومی لباس دے ݙینھ دی تقریب اچ بھرپور شرکت کیتی۔ باکو دے قدیم مرکزی حصے "ایچری شہر" دی اسٹیٹ ہسٹاریکل آرکیٹیکچرل ریزرو ایڈمنسٹریشن دے زیرِاہتمام منعقدہ ایں تقریب پاکستان دے بھرپور تے متنوع ثقافتی ورثے تے روایتی ملبوسات کوں اجاگر کرݨ دا موقع ݙتا۔ باکواچ پاکستانی سفارتخانے دی طرفوں جاری بیان موجب تقریب اچ پاکستان …
باکواچ پاکستانی سفارتخانے دی قومی لباس دے ݙینھ دی تقریب اچ بھرپورشرکت
مزید خبراں
باکو۔20 ستمبر (اے پی پی) آذربائیجان دے دارالحکومت باکو اچ پاکستان دے سفارتخانے اتھاں منعقدہ قومی لباس دے ݙینھ دی تقریب اچ بھرپور شرکت کیتی۔ باکو دے قدیم مرکزی حصے “ایچری شہر” دی اسٹیٹ ہسٹاریکل آرکیٹیکچرل ریزرو ایڈمنسٹریشن دے زیرِاہتمام منعقدہ ایں تقریب پاکستان دے بھرپور تے متنوع ثقافتی ورثے تے روایتی ملبوسات کوں اجاگر کرݨ دا موقع ݙتا۔ باکواچ پاکستانی سفارتخانے دی طرفوں جاری بیان موجب تقریب اچ پاکستان دے رنگا رنگ روایتی تے علاقائی ملبوسات، ٹرک آرٹ، زیورات تے دستکاری دے نمونیں کوں شرکاء تے مہماناں دی طرفوں بھرپور پذیرائی حاصل تھئی۔ تقریب اچ چین، کوریا، عراق، تاجکستان، ملائیشیا، انڈونیشیا تے روس سودھے مختلف ملکاں دے سفارتی مشنز وی اپݨے قومی رقص تے روایتی ملبوسات پیش کیتے، جیں توں ثقافتاں دا ھک سوہݨا تے متنوع امتزاج سامݨے آئے تے ثقافتی تبادلے تے سانجھی مفاہمت دی اہمیت اجاگر تھئی۔ تقریب اچ آذربائیجان دے حکومتی حلقیں نال تعلق رکھݨ آلی اہم شخصیات، فنون و ادب نال وابستہ نمائندیں تے مختلف ملکاں دے سفارتخانیں دے عملے بھرپور شرکت کیتی۔ پاکستانی سفارتخانے دی شرکت پاکستان تے بھرا ملک آذربائیجان وچال نیڑے تے تاریخی ثقافتی رابطے کوں مزید اجاگر کرݨ اچ اہم کردار ادا کیتا۔
