اسلام آباد۔ 25 فروری (اے پی پی) چیئرمین سینیٹ سید یوسف رضا گیلانی کوہاٹ دے علاقے لاچی اچ پولیس وین تے تھیوݨ آلے بزدلانہ دہشت گرد حملے تے جنوبی وزیرستان اچ ہک سکول کوں بارودی مواد نال اݙاوݨ دے افسوسناک واقعے دی شدید لفظاں اچ مذمت کیتی اے۔ چیئرمین سینیٹ کوہاٹ اچ تھیوݨ آلے حملے دے نتیجے اچ ڈی ایس پی لاچی اسد محمود، پولیس اہلکاراں تے ہک شہری دی …
چیئرمین سینیٹ سید یوسف رضا گیلانی دی لاچی اچ پولیس وین تے حملے تے جنوبی وزیرستان اچ سکول کوں بارودی مواد نال اݙاوݨ دے افسوسناک واقعے دی مذمت
اسلام آباد۔ 25 فروری (اے پی پی) چیئرمین سینیٹ سید یوسف رضا گیلانی کوہاٹ دے علاقے لاچی اچ پولیس وین تے تھیوݨ آلے بزدلانہ دہشت گرد حملے تے جنوبی وزیرستان اچ ہک سکول کوں بارودی مواد نال اݙاوݨ دے افسوسناک واقعے دی شدید لفظاں اچ مذمت کیتی اے۔ چیئرمین سینیٹ کوہاٹ اچ تھیوݨ آلے حملے دے نتیجے اچ ڈی ایس پی لاچی اسد محمود، پولیس اہلکاراں تے ہک شہری دی شہادت تے ݙکھ تے افسوس کیتا۔ انھاں شہداء دے درجات دی بلندی تے لواحقین کیتے صبرِ جمیل دی دعا کریندیں ہوئیں آکھیا جو پوری قوم ایں المناک سانحے تے غمزدہ اے تے متاثرہ خانداناں دے ݙکھ اچ برابر دی شریک اے ۔ سینیٹ سیکرٹریٹ توں جاری تعزیتی بیان اچ چیئرمین سینیٹ آکھیا جو دہشت گردی دے خلاف جنگ اچ اساݙی پولیس تے سکیورٹی فورسز دی قربانیاں ناقابلِ فراموش ہن ۔ چیئرمین سینیٹ حملیاں اچ زخمی تھیوݨ آلے پولیس اہلکاراں دی تکھے صحتیابی کیتے دعا کیتی اتے متعلقہ حکام کوں ہدایت کیتی اے جو زخمیاں کوں بہترین ممکنہ طبی سہولیات ݙتی ونجن۔
