پاکستان ریلویز دا عید تے چار خصوصی ریل گاݙیاں چلاوݨ دا فیصلہ

لاہور۔15 مارچ(اے پی پی) وزیر ریلوے حنیف عباسی دی ہدایت تے پاکستان ریلویز عید دے موقع تے مسافراں دی سہولت کیتے چار خصوصی ریل گاݙیاں چلاوݨ دا فیصلہ کیتے۔ ترجمان پاکستان ریلویز موجب پہلی عید سپیشل ٹرین 16 مارچ کوں لاہور توں کراچی کیتے روانہ تھیسی۔ ایویں ݙوجھی عید سپیشل ٹرین 17 مارچ کوں کوئٹہ توں راولپنڈی، تریجھی عید سپیشل ٹرین وی 17 مارچ کوں کراچی توں پشاور تے چوتھی عید سپیشل ٹرین 18 مارچ کوں کراچی توں لاہور کیتے روانہ تھیسی۔ ترجمان موجب عید تے مسافراں دے ودھدے رش پاروں خصوصی ریل گاݙیاں چلاوݨ دا فیصلہ کیتا ڳئے تاں جو لوکاں کوں اپݨے آبائی علاقیں توں سفر وچ ودھ توں ودھ سہولت ݙتی ونڄ سڳے۔