اسلام آباد۔15مارچ (اے پی پی)چیئرمین سینیٹ سید یوسف رضا گیلانی نال چیئرمین سینیٹ ہاؤس وچ رکنِ قومی اسمبلی سید جاوید علی شاہ تے رکنِ قومی اسمبلی مہرین رزاق بھٹو ملاقات کیتی اے۔ ملاقات دے دوران سندھ دی مجموعی سیاسی صورتحال، عوامی مسئلے تے ترقیاتی امور تے تفصیلی وچار کیتا ڳیا۔ ایں موقع تے پاکستان پیپلز پارٹی دی تنظیمی سرگرمیاں، عوامی رابطہ مہم تے پارٹی کوں مزید فعال بݨاوݨ دے حوالے …
چیئرمین سینیٹ سید یوسف رضا گیلانی نال سید جاوید علی شاہ تے مہرین رزاق بھٹو دی ملاقات
مزید خبراں
اسلام آباد۔15مارچ (اے پی پی)چیئرمین سینیٹ سید یوسف رضا گیلانی نال چیئرمین سینیٹ ہاؤس وچ رکنِ قومی اسمبلی سید جاوید علی شاہ تے رکنِ قومی اسمبلی مہرین رزاق بھٹو ملاقات کیتی اے۔ ملاقات دے دوران سندھ دی مجموعی سیاسی صورتحال، عوامی مسئلے تے ترقیاتی امور تے تفصیلی وچار کیتا ڳیا۔ ایں موقع تے پاکستان پیپلز پارٹی دی تنظیمی سرگرمیاں، عوامی رابطہ مہم تے پارٹی کوں مزید فعال بݨاوݨ دے حوالے نال وی ڳالھ مہاڑ تھئی۔ رہنماواں ایں عزم دا اظہار کیتا جو پارٹی قیادت تے منتخب نمائندے عوامی مسئلیں دے حل تے جمہوری اقدار دے ودھارے کیتے مشترکہ طور تے کردار ادا کریندے رہسن۔ چیئرمین سینیٹ سید یوسف رضا گیلانی آکھیا جو پاکستان پیپلز پارٹی ہمیشہ عوامی خدمت، جمہوریت دے استحکام تے وفاق دی مضبوطی کیتے جدوجہد کریندی رہی اے۔ انھاں ایں ڳالھ تے زور ݙتا جو عوام دی فلاح و بہبود تے ملک دی ترقی کیتے سارے منتخب نمائندے اپݨی کوششاں مزید تکھیاں کریسن۔ ملاقات وچ ملک دی مجموعی سیاسی صورتحال تے سانجھی دلچسپی دے ٻئے امور تے وی ڳالھ مہاڑ کیتی ڳئی۔
