اقوامِ متحدہ دا امریکی دھمکیاں تے سخت ردِعمل، امریکی صدر دے “پوری تہذیب کوں مٹاوݨ” دے بیان دی مذمت

اقوامِ متحدہ۔ 8 اپریل (اے پی پی) اقوامِ متحدہ دے انسانی حقوق دے سربراہ وولکر ترک امریکہ ولوں “پوری تہذیب کوں مٹاوݨ” دی دھمکی آمیز بیان بازی دی شدید مذمت کیتی اے۔ شنہوا دے مطابق وولکر ترک اپݨے بیان اچ امریکی صدر ڈونلڈ ٹرمپ ولوں ایران دے خلاف ݙتے ڳئے اڄوکے بیانات کوں “انتہائی تشویشناک” تے “نفرت انگیز” قرار ݙتے۔ انھاں خبردار کیتا جو اگر ایجھے بیانات تے عمل کیتا ڳیا تاں اے بین الاقوامی قوانین دی سنگین خلاف ورزی اتے ممکنہ طور تے جنگی جرائم دے زمرے اچ امسی۔ وولکر ترک عالمی برادری تے زور ݙتا جو او فوری اقدامات کرے تاںجو کشیدگی اچ ڳھٹکی تھی سڳے۔ واضح رہوے جو ڈونلڈ ٹرمپ ایران کوں دھمکی ݙیندیں ہوئیں آکھیا ہئی جو اگر معاہدہ نہ کیتا ڳیا تاں ایندی “پوری تہذیب ختم تھی سڳدی اے”۔