لبنان، شہر صیدا تے اسرائیلی فضائی حملے اچ 8 بندے شہید، 22 زخمی

بیروت۔ 8 اپریل (اے پی پی) لبنان دے شہر صیدا تے اسرائیلی فضائی حملے اچ 8 افراد شہید تھی ڳئن۔ العربیہ اردو دے مطابق لبنان دی وزارتِ صحت بیان اچ ݙسایا جو منگل تے بدھ دی وچلی رات صیدا شہر تے اسرائیلی فضائی حملے اچ 8 شہری شہید اتے 22 زخمی تھی ڳئن۔ مقامی میڈیا دے مطابق اے حملہ شہر دے ساحلی علاقے اچ تھیا، لبنانی فوج جائے وقوعہ دا محاصرہ کر گھدے۔ لبنانی وزارتِ صحت دے مطابق جنگ دے آغاز توں ہݨ تائیں لبنان تے تھیوݨ آلے اسرائیلی حملیاں اچ 1500 توں ودھ بندے شہید تھی ڳئن۔