انقرہ۔23 جون (اے پی پی) ترک صدر رجب طیب اردوان ایران تے امریکا وچال تھیوݨ آلے معاہدے دا خیرمقدم کریندے اپݨے ایرانی ہم منصب مسعود پزشکیان کوں یقین ݙیوائے جو ترکیہ امریکا تے ایران دے وچال مذاکراتی عمل کوں پرامن انجام تئیں پڄاوݨ کیتے ہر ممکن تعاون ݙیسی۔روسی خبر رساں ادارے تاس ترک صدارتی دفتر دے حوالے نال ݙسائے جو ݙوہیں رہنماواں وچال ٹیلیفونک ڳالھ تھئی، جئیں اچ ترک صدر …
ترکیہ امریکا تے ایران وچال مذاکراتی عمل دی پرامن تکمیل کیتے ہر ممکن تعاون ݙیسی، طیب اردوان
مزید خبراں
انقرہ۔23 جون (اے پی پی) ترک صدر رجب طیب اردوان ایران تے امریکا وچال تھیوݨ آلے معاہدے دا خیرمقدم کریندے اپݨے ایرانی ہم منصب مسعود پزشکیان کوں یقین ݙیوائے جو ترکیہ امریکا تے ایران دے وچال مذاکراتی عمل کوں پرامن انجام تئیں پڄاوݨ کیتے ہر ممکن تعاون ݙیسی۔روسی خبر رساں ادارے تاس ترک صدارتی دفتر دے حوالے نال ݙسائے جو ݙوہیں رہنماواں وچال ٹیلیفونک ڳالھ تھئی، جئیں اچ ترک صدر ایران تے امریکا وچال تھیوݨ آلے معاہدے دا خیرمقدم کیتا تے آکھیا جو ترکیہ مذاکراتی عمل دی پرامن تکمیل کیتے ہر ممکن مدد ݙیسی۔ انھاں ایں ڳالھ تے وی زور ݙتا جو انھاں عناصر توں ہوشیار رہݨا ضروری اے جیڑھے مذاکراتی عمل کوں ناکام بݨاوݨ یا ایں اچ رکاوٹ پاوݨ دی کوشش کرسڳدن۔ ترک صدر آکھیا جو علاقائی امن کوں تکڑا بݨاوݨ کیتے اقدامات کرݨ ہک اہم تے ضروری کم اے تے ترکیہ ایں مقصد دے کیتے اپݨی کوششاں جاری رکھیسی۔
