بھارت سندھ طاس معاہدہ بارے اچ کوئی فیصلہ یکطرفہ طور تے نئی کر سڳدا، حنا ربانی کھر

اسلام آباد۔30 جون (اے پی پی) سابق وزیرِ خارجہ تے پاکستان پیپلز پارٹی دی رکن قومی اسمبلی حنا ربانی کھر آکھیا جو بھارت سندھ طاس معاہدہ دے بارے اچ کوئی فیصلہ یکطرفہ طور تے نئی کر سڳدا، یورپی ملکاں سودھے ٻئے ملکاں کوں ایں مسئلے دے حل کیتے آپݨا کردار ادا کرݨا چاہیدے۔ اے ڳالھیں انھاں منگل کوں اتھاں سندھ طاس معاہدے دے موضوع تے تھیوݨ آلے بین الاقوامی سیمینار نال خطاب کریندیں ہوئیں کیتا۔ انھاں آکھیا جو کوئی ملک آپسی معاہدیاں، عالمی قوانین تے روایات توں یکطرفہ طور تے انحراف نئی کر سڳدا۔ انھاں آکھیا جو بھارت ہک دھوکے باز ملک اے، او ہک پوری تہذیب کوں ختم کرݨا چاہندے لیکن اے کیویں ممکن اے۔ انھاں آکھیا جو سندھ طاس معاہدہ دے آرٹیکل 12 اچ واضح اے جو آپسی توثیق نال سندھ طاس معاہدہ اچ ردوبدل کیتا ونڄ سڳدے۔ انھاں آکھیا جو بھارت عالمی ثالثی عدالت اچ تسلیم کیتا جو ایں معاہدہ دے بارے اچ کوئی ملک کلھا فیصلے نئی کر سڳدا۔ انھاں آکھیا جو سندھ طاس معاہدہ ہک مثالی تے پائیدار معاہدہ اے۔ انھاں آکھیا جو پاکستان تے بھارت سمیت دیگر ممالک موسمیاتی تبدیلی دا شکار ہن لیکن عام لوکاں کوں پاݨی دی محفوظ فراہمی یقینی بݨاوݨ ضروری اے۔ انھاں آکھیا جو یورپی ملکاں سودھے ٻئے ملکاں کوں ایں مسئلے دے حل کیتے آپݨا کردار ادا کرݨا چاہیدے۔