اسلام آباد۔1 جولائی (اے پی پی) چیئرمین سینیٹ سید یوسف رضا گیلانی کاہنہ ٹیوشن سینٹر حادثے تے ݙکھ تے افسوس دا اظہار کریندیں ہوئیں جاں بحق ٻالاں دے لواحقین نال دلی تعزیت تے ہمدردی دا اظہار کیتے۔ سینیٹ سیکرٹریٹ توں جاری آپݨے بیان اچ انھاں آکھیا جو کاہنہ دا اے المناک سانحہ پوری قوم کوں سوگوار کر ڳئے تے قوم متاثرہ خانداناں دے ݙکھ اچ برابر دی شریک اے۔ انھاں …
چیئرمین سینیٹ دا کاہنہ ٹیوشن سینٹر حادثے اچ جاں بحق ٻالاں دے لواحقین نال تعزیت دا اظہار
اسلام آباد۔1 جولائی (اے پی پی) چیئرمین سینیٹ سید یوسف رضا گیلانی کاہنہ ٹیوشن سینٹر حادثے تے ݙکھ تے افسوس دا اظہار کریندیں ہوئیں جاں بحق ٻالاں دے لواحقین نال دلی تعزیت تے ہمدردی دا اظہار کیتے۔ سینیٹ سیکرٹریٹ توں جاری آپݨے بیان اچ انھاں آکھیا جو کاہنہ دا اے المناک سانحہ پوری قوم کوں سوگوار کر ڳئے تے قوم متاثرہ خانداناں دے ݙکھ اچ برابر دی شریک اے۔ انھاں اللہ تعالیٰ توں دعا کیتی جو جاں بحق ٻالاں کوں جوارِ رحمت اچ اعلیٰ مقام عطا فرماوے۔ انھاں زخمیاں دی جلد تے مکمل صحت یابی کیتے نیک خواہشات دا اظہار کیتا۔ چیئرمین سینیٹ ایں افسوسناک واقعے دے تناظر اچ تعلیمی اداریاں دی عمارتاں دے حفاظتی معیار تے سختی نال عمل درآمد دی لوڑھ تے زور ݙیندیں ہوئیں آکھیا جو متعلقہ ادارے تعلیمی عمارتاں دے حفاظتی انتظامات دا باقاعدگی نال جائزہ گھنن تے مستقبل اچ ایجھے المناک حادثات دی روک تھام کیتے مؤثر اقدامات کیتے ونڄن۔
