وزیرِ اعظم شہباز شریف دی ٻاہرلے ملک مقیم پاکستانیاں دی بہبود کیتے جاری منصوبیاں تے اقدامات اچ ٻئی تیزی گھن آوݨ دی ہدایت

اسلام آباد۔1 جولائی (اے پی پی) وزیرِ اعظم محمد شہباز شریف ٻاہرلے ملک مقیم پاکستانیاں دی بہبود کیتے جاری منصوبیاں تے اقدامات اچ ٻئی تیزی گھن آوݨ دی ہدایت کریندیں ہوئیں آکھیا جو بیرونِ ملک مقیم پاکستانی قوم دا قیمتی اثاثہ ہن تے او آپݨی محنت دی کمائی پاکستان بھیڄ تے زرمبادلہ اچ آپݨا اہم حصہ پیندن۔ بدھ کوں وزیرِ اعظم آفس دے میڈیا ونگ توں جاری بیان دے مطابق اے ڳالھیں انھاں چیئرمین بورڈ آف گورنرز سید قمر رضا تے منیجنگ ڈائریکٹر اوورسیز پاکستانیز فاؤنڈیشن (او پی ایف) افضل بھٹی نال ڳالھ مہاڑ کریندے ہوئیں کیتا جنھاں وزیرِ اعظم نال اتھاں ملاقات کیتی۔ ملاقات اچ بیرونِ ملک مقیم پاکستانیاں دے مسائل دے حل کیتے فاؤنڈیشن دے اقدامات تے ڳالھ تھئی۔ وزیرِ اعظم بیرونِ ملک مقیم پاکستانیاں دی بہبود کیتے جاری منصوبیاں تے اقدامات اچ ٻئی تیزی گھن آوݨ دی ہدایت کیتی۔ انھاں آکھیا جو بیرونِ ملک مقیم پاکستانی قوم دا قیمتی اثاثہ ہن تے او آپݨی محنت دی کمائی پاکستان بھیڄ تے زرمبادلہ اچ آپݨا اہم حصہ پیندن۔ ملاقات اچ وزیرِ اعظم کوں بیرونِ ملک مقیم پاکستانیاں دی بہبود تے انھاں کوں سہولت فراہم کرݨ کیتے ٻئے اقدامات دے لائحہ عمل تے وی بریفنگ ݙتی ڳئی۔ وزیرِ اعظم او پی ایف دے اقدامات تے اطمینان دا اظہار کیتا تے جامع لائحہ عمل مرتب کر تے پیش کرݨ دی ہدایت کیتی۔ چیئرمین بورڈ آف گورنرز تے ایم ڈی او پی ایف عالمی امن کیتے پاکستان دی کوششاں تے وزیرِ اعظم کوں خراجِ تحسین پیش کیتا۔