اسلام آباد۔1 جولائی (اے پی پی) چیئرمین سینیٹ سید یوسف رضا گیلانی راولپنڈی اسلام آباد اسپورٹس جرنلسٹس ایسوسی ایشن (رسجا) دے انتخابات اچ بلا مقابلہ منتخب تھیوݨ آلے سارے نومنتخب عہدیداراں کوں دلی مبارخ ݙتی اے۔سینیٹ سیکرٹریٹ موجب چیئرمین سینیٹ مسلسل ݙوجھی واری صدر منتخب تھیوݨ آلے ابوبکر بن طلعت، جنرل سیکرٹری منتخب تھیوݨ آلی عمبرین علی، فنانس سیکرٹری ناصر عباس نقوی سودھے سارے منتخب عہدیداراں تے گورننگ باڈی دے …
چیئرمین سینیٹ یوسف رضا گیلانی دی رسجا دے نویں منتخب عہدیداراں کوں مبارخ
مزید خبراں
اسلام آباد۔1 جولائی (اے پی پی) چیئرمین سینیٹ سید یوسف رضا گیلانی راولپنڈی اسلام آباد اسپورٹس جرنلسٹس ایسوسی ایشن (رسجا) دے انتخابات اچ بلا مقابلہ منتخب تھیوݨ آلے سارے نومنتخب عہدیداراں کوں دلی مبارخ ݙتی اے۔سینیٹ سیکرٹریٹ موجب چیئرمین سینیٹ مسلسل ݙوجھی واری صدر منتخب تھیوݨ آلے ابوبکر بن طلعت، جنرل سیکرٹری منتخب تھیوݨ آلی عمبرین علی، فنانس سیکرٹری ناصر عباس نقوی سودھے سارے منتخب عہدیداراں تے گورننگ باڈی دے ارکان کیتے نیک خواہشات دا اظہار کریندے آکھیا جو انھاں کوں یقین اے جو نویں قیادت پیشہ ورانہ صحافت، شفافیت، اتحاد تے صحافتی اقدار دے ودھارے کیتے موثر کردار ادا کریسی۔سید یوسف رضا گیلانی آکھیا جو سپورٹس جرنلزم کھیݙاں دے ودھارے نوجواناں اچ مثبت سرگرمیاں دی حوصلہ افزائی تے قومی سطح تے صحت مند معاشرتی رجحانات کوں ودھارا ݙیوݨ اچ اہم کردار ادا کریندے۔ انھاں آکھیا جو ذمہ دار تے پیشہ ورانہ اسپورٹس صحافت نہ صرف کھیݙاں دی ترقی بلکہ قومی یکجہتی تے مثبت تشخص کوں وی مستحکم کریندی اے۔ چیئرمین سینیٹ امید ظاہر کیتی جو رسجا دی نویں منتخب قیادت سپورٹس جرنلسٹس دے حقوق دے تحفظ، انھاں دی پیشہ ورانہ استعداد اچ ودھارے تے صحافتی اخلاقیات دے ودھارے کیتے اپݨی ذمہ واریاں احسن انداز اچ انجام ݙیسی تے ادارے کوں مزید فعال، تکڑا تے باوقار بݨاوݨ اچ اہم کردار ادا کریسی۔
