اسلام آباد۔2 جولائی (اے پی پی) وفاقی وزیرِ اطلاعات تے نشریات عطاء اللہ تارڑ آکھیا جو کھیݙاں معاشرے اچ مثبت سوچ دے فروغ تے سپورٹس مین سپرٹ کوں پروان چڑھاوݨ اچ اہم کردار ادا کریندن، سپورٹس جرنلسٹس کھیݙاں دی سرگرمیاں کوں ذمہ دارانہ تے پیشہ ورانہ انداز اچ عوام تئیں پڄاوݨ اچ کلیدی کردار ادا کریندے پئن، انھاں دی فلاح و بہبود، بہتری تے سپورٹس جرنلزم دے فروغ کیتے ݙتیاں …
کھیݙاں معاشرے اچ مثبت سوچ دے فروغ تے سپورٹس مین سپرٹ کوں پروان چڑھاوݨ اچ اہم کردار ادا کریندن، وفاقی وزیرِ اطلاعات عطاء اللہ تارڑ دا ”ورلڈ سپورٹس جرنلسٹس ڈے“ دی تقریب نال خطاب
اسلام آباد۔2 جولائی (اے پی پی) وفاقی وزیرِ اطلاعات تے نشریات عطاء اللہ تارڑ آکھیا جو کھیݙاں معاشرے اچ مثبت سوچ دے فروغ تے سپورٹس مین سپرٹ کوں پروان چڑھاوݨ اچ اہم کردار ادا کریندن، سپورٹس جرنلسٹس کھیݙاں دی سرگرمیاں کوں ذمہ دارانہ تے پیشہ ورانہ انداز اچ عوام تئیں پڄاوݨ اچ کلیدی کردار ادا کریندے پئن، انھاں دی فلاح و بہبود، بہتری تے سپورٹس جرنلزم دے فروغ کیتے ݙتیاں ونڄݨ والیاں تجاویز تے حکومتی سطح تے ہر ممکن عملدرآمد کیتا ویسے۔ خمیس کوں اتھاں مقامی ہوٹل اچ ”ورلڈ سپورٹس جرنلسٹس ڈے 2026ء“ دے موقع تے منعقدہ تقریب تے راولپنڈی اسلام آباد سپورٹس جرنلسٹس ایسوسی ایشن (رسجا) دے نومنتخب عہدیداران دی حلف برداری دی تقریب نال خطاب کریندیں ہوئیں وفاقی وزیرِ اطلاعات آکھیا جو سپورٹس میݙے دل دے ٻہوں قریب اے، میݙا وژن ہئی جو جے سپورٹس جرنلسٹس کوں سنجاݨ نہ ݙتی ونڄے تاں ایں شعبے اچ نوجوان تے نویں آوݨ آلے صحافیاں کیتے کوئی تحریک تے ترغیب باقی نئی رہندی۔ انھاں آکھیا جو اے ہک محنت طلب شعبہ اے جیں اچ فیلڈ رپورٹنگ وی کرݨی ہوندی اے اتے تمام سرگرمیاں دا باقاعدہ طور تے ریکارڈ وی رکھݨا ہوندے۔انھاں آکھیا جو صحافیاں دی حوصلہ افزائی کیتے سپورٹس جرنلسٹس ایوارڈ اہم اے۔ ایں موقع تے وفاقی وزیرِ اطلاعات راولپنڈی اسلام آباد سپورٹس جرنلسٹس ایسوسی ایشن (رسجا) دے نومنتخب عہدیداراں توں حلف گھدا۔ وفاقی وزیرِ اطلاعات نومنتخب عہدیداراں کوں مبارکباد وی ݙتی۔ بعد اچ ورلڈ سپورٹس جرنلسٹس ڈے دے حوالے نال وفاقی وزیرِ اطلاعات کیک وی کٹیا۔
