اسلام آباد۔2 جولائی (اے پی پی) وفاقی وزیرِ پٹرولیم علی پرویز ملک نال چین دے شیڈونگ گروپ کارپوریشن دے چیئرمین ہاؤجیان شِن ملاقات کیتی جیں اچ پاکستان دے توانائی دے شعبے اچ تعاون تے سرمایہ کاری دے موقع کوں وسعت ݙیوݨ تے ڳالھ کیتی ڳئی ۔ترجمان پٹرولیم ڈویژن موجب ملاقات دے دوران ہاؤ جیان شِن پاکستان دی توانائی ویلیو چین اچ سرمایہ کاری اچ اپݨی کمپنی دی دلچسپی دا اظہار …
چینی گروپ دی پاکستان دے توانائی دے شعبے اچ وݙی سرمایہ کاری دی تجویز، وفاقی وزیرِپٹرولیم علی پرویز ملک دا پاک-چین توانائی شراکت داری کوں وسعت ݙیوݨ دا خیرمقدم
مزید خبراں
اسلام آباد۔2 جولائی (اے پی پی) وفاقی وزیرِ پٹرولیم علی پرویز ملک نال چین دے شیڈونگ گروپ کارپوریشن دے چیئرمین ہاؤجیان شِن ملاقات کیتی جیں اچ پاکستان دے توانائی دے شعبے اچ تعاون تے سرمایہ کاری دے موقع کوں وسعت ݙیوݨ تے ڳالھ کیتی ڳئی ۔ترجمان پٹرولیم ڈویژن موجب ملاقات دے دوران ہاؤ جیان شِن پاکستان دی توانائی ویلیو چین اچ سرمایہ کاری اچ اپݨی کمپنی دی دلچسپی دا اظہار کیتا تے طویل المدتی سٹریٹجک شراکت داری دی تجویز پیش کیتی۔ انھاں ݙسایا جو شینڈونگ گروپ اپ سٹریم آئل اینڈ گیس آپریشنز بشمول فیلڈ آپٹیمائزیشن، ڈرلنگ سروسز تے پیداوار اچ ودھارے دے شعبیں اچ جدید ٹیکنالوجی تے مہارت رکھیندے تے پاکستان اچ ہائیڈروکاربن دی پیداوار ودھاوݨ کیتے تعاون چاہندے ۔ چیئرمین شینڈونگ گروپ ریفائنریاں دی جدید کاری بالخصوص فرنس آئل کوں اعلیٰ قیمت دی ریفائنڈ پٹرولیم مصنوعات اچ تبدیل کرݨ کیتے فلوئیڈ کیٹالیٹک کریکنگ (ایف سی سی) یونٹ دی تنصیب اچ وی دلچسپی دا اظہار کیا۔ انھاں پاکستان اچ توانائی توں متعلق آلات دی تیاری دے ہک پیداواری مرکز دے قیام دی تجویز وی پیش کیتی جیڑھا نہ صرف ملکی لوڑھاں پوریاں کرے بلکہ مشرقِ وسطیٰ دیاں منڈیاں کیتے برآمدات دا ذریعہ وی بݨ سڳے۔انھاں آف شور آئل دی تلاش تے ترقی دے شعبے اچ کمپنی دی مہارت دا ݙسیندیں ہوئیں پاکستان دے آف شور سیکٹر اچ مشترکہ تعاون دی تجویز پیش کیتی۔ انھاں لیڈ مائننگ، سلفر پروسیسنگ پلانٹ دے قیام تے پاکستان دے ساحلی علاقیں اچ مربوط انرجی سٹیز دے قیام متعلق تجویزاں وی پیش کیتیاں۔ اِنھاں توانائی تے مبنی صنعتی مراکز اچ ایل این جی انفراسٹرکچر، پٹرولیم ذخیرہ گاہیں تے پٹروکیمیکل صنعتاں شامل ہوسن جنھاں دا مقصد صنعتی ترقی تے توانائی دے تحفظ کوں ودھارا ݙیوݨ اے۔وفاقی وزیرِعلی پرویز ملک وفد دا خیرمقدم کریندیں آکھیا جو پاکستان توانائی دے شعبے دا جامع جائزہ گھندا پئے جیں دا مقصد توانائی دے تحفظ کوں تکڑا بݨاوݨ، سرمایہ کاری ودھاوݨ تے پورے شعبے اچ ویلیو ایڈیشن کوں ودھاوݨ اے۔ انھاں شینڈونگ گروپ دی پاکستان اچ سرمایہ کاری اچ دلچسپی کوں چنڳاں اکھیندے وفد کوں یقین ݙوایا جو حکومت قابلِ عمل سرمایہ کاری دیاں تجویزاں کوں عملی شکل ݙیوݨ کیتے ہر ممکن تعاون کریسی۔ وفاقی وزیر پٹرولیم ڈویژن کوں چینی کمپنی دی ساری تجویزاں تے فوکل پرسنز مقرر کرتے وقتی پیشرفت دی ہدایت کیتی تاں جو کمپنی دے نال رابطے کوں مؤثر بݨایا ونڄ سڳے۔
