عوام دوست، شفاف تے ٹیکنالوجی نال ہم آہنگ عدالتی نظام اصلاحاتی ترجیحات اچ شامل اے، چیف جسٹس یحییٰ آفریدی

اسلام آباد۔6 جولائی (اے پی پی) چیف جسٹس آف پاکستان جسٹس یحییٰ آفریدی آکھیے جو عدلیہ دا اصلاحاتی ایجنڈا ایجھا نظامِ انصاف تشکیل ݙیوݨ اے جو عوام دوست، شفاف، جدید ٹیکنالوجی نال آراستہ تے موثر ہووے تاں جو عوام کوں وقتی تے سوکھا انصاف ݙیوݨ یقینی بݨایا ونڄے تے عدلیہ تے عوامی اعتماد مزید مستحکم تھیوے۔ انھاں اے ڳالھ سپریم کورٹ آف پاکستان اچ حکومتِ پاکستان دے ’’یوتھ دی اڑان‘‘ پروگرام دے تحت ’’اڑان اوورسیز پاکستانیز سمر سکالرز پروگرام 2026‘‘ دے وفد نال ملاقات اچ آکھی۔ ایں پروگرام دا مقصد ٻاہرلے ملک رہݨ آضے پاکستانی نوجواناں کوں پاکستان دے آئینی اداریں، نظامِ حکمرانی، قومی پالیسی سازی تے ترقیاتی ترجیحات توں آگاہ کرݨ اے۔چیف جسٹس یحییٰ آفریدی وفد کوں پاکستان دے عدالتی نظام دے ڈھانچے دا ݙسیندے آکھیا جو ضلعی عدلیہ انصاف ݙیوݨ دا بنیادی ستون اے تے عوام دی وݙی تعداد کوں براہِ راست انصاف ݙیندی اے۔ انھاں نیشنل جوڈیشل (پالیسی میکنگ) کمیٹی (این جے پی ایم سی) دے کردار تے وی روشنی سٹی تے ݙسایا جو اے فورم ملک اچ عدالتی اصلاحات تے انصاف دے شعبے اچ ادارہ جاتی ہم آہنگی کوں ودھاراݙیندا پئے۔ چیف جسٹس عدلیہ دے جاری اصلاحاتی اقدامات دا ذکر کریندیں ݙسایا جو ڈیجیٹل کورٹ سروسز، نیشنل جوڈیشل اینالیٹکس ڈیش بورڈ، پبلک فیسیلیٹیشن سینٹر، اوورسیز لٹیگنٹس فیسیلیٹیشن سیل، ہیلپ لائن 1818 تے ٻئی سہولتاں دے ذریعے عدالتی خدمات کوں زیادہ موثر، شفاف تے عوام دوست بݨایا ویندا پئے۔انھاں آکھیا جو عدلیہ جینڈر ریسپانسیو جسٹس انیشی ایٹو (2026-27) دے ذریعے تریمتاں تے ٻئے کمزور طبقیں کوں انصاف تئیں مساوی رسائی ݙیوݨ کیتے وی اقدامات کریندی پئی اے جڈانجو ایکسیس ٹو جسٹس ڈویلپمنٹ فنڈ دے ذریعے عدالتی انفراسٹرکچر، ڈیجیٹل رابطیں، قابلِ تجدید توانائی تے عدالتی استعداد کار اچ بہتری دے منصوبیں تے وی کم جاری اے۔ بعد اچ چیف جسٹس یحییٰ آفریدی اوورسیز پاکستانی نوجواناں دے نال سوال و جواب دی نشست اچ وی شریک تھئے جیں اچ آئینی حکمرانی، عدالتی اصلاحات تے پاکستان دے نظامِ انصاف دے مستقبل متعلق مختلف امور تے ڳالھ کیتی ڳئی