اسلام آباد۔7 جولائی (اے پی پی) قائم مقام صدر سید یوسف رضا گیلانی نال منگل کوں اتھاں ایوانِ صدر اچ مذہبی، سیاسی تے ادبی شخصیتاں انڄ انڄ ملاقات کیتی۔ ایوانِ صدر دے پریس ونگ توں جاری بیان دے مطابق قائم مقام صدر نال ملاقات کرݨ آلیاں اچ دربار موہڑہ شریف مری دے شہزادہ مراد نذیر، سابق رکن صوبائی اسمبلی میاں جہانگیر پیرزادہ بھٹہ، فیصل سخی بٹ تے راؤ وقاص شامل …
قائم مقام صدر نال مذہبی، سیاسی تے ادبی شخصیتاں دی ملاقاتاں
مزید خبراں
اسلام آباد۔7 جولائی (اے پی پی) قائم مقام صدر سید یوسف رضا گیلانی نال منگل کوں اتھاں ایوانِ صدر اچ مذہبی، سیاسی تے ادبی شخصیتاں انڄ انڄ ملاقات کیتی۔ ایوانِ صدر دے پریس ونگ توں جاری بیان دے مطابق قائم مقام صدر نال ملاقات کرݨ آلیاں اچ دربار موہڑہ شریف مری دے شہزادہ مراد نذیر، سابق رکن صوبائی اسمبلی میاں جہانگیر پیرزادہ بھٹہ، فیصل سخی بٹ تے راؤ وقاص شامل ہن۔ قائم مقام صدر نال معروف شاعر رحمان فارس وی ملاقات کیتی جنھاں آپݨی تصنیفات دے نسخے انھاں کوں پیش کیتے۔ قائم مقام صدر انھاں دی ادبی خدمات کوں سراہیندیں ہوئیں انھاں کیتے ٻئی کامیابیاں دی خواہش دا اظہار کیتا۔ ملاقاتاں دے دوران آپسی دلچسپی دے امور، ملک دی مجموعی صورتحال تے عوامی فلاح و بہبود بارے ڳالھ کیتی ڳئی۔ قائم مقام صدر ایں ہفتے دے اواخر اچ رابطہ عالمِ اسلامی دے سیکرٹری جنرل شیخ ڈاکٹر محمد العیسیٰ دے متوقع دورہِ پاکستان دا وی ذکر کیتا۔ انھاں ایں امید دا اظہار کیتا جو اے دورہ ملک اچ بین المذاہب ہم آہنگی، رواداری تے آپسی احترام دے فروغ دی کوششاں کوں مزید تقویت ݙیسی۔
