سپیکر قومی اسمبلی دی زیارت اچ پولیس چوکی تے دہشت گرد حملے دی مذمت، 9 پولیس اہلکاراں دی شہادت تے تعزیت دا اظہار

اسلام آباد۔7 جولائی (اے پی پی) سپیکر قومی اسمبلی سردار ایاز صادق زیارت اچ پولیس چوکی تے دہشت گرد حملے دی شدید مذمت کریندیں 9 پولیس اہلکاراں دی شہادت تے تعزیت دا اظہار کیتے۔ آپݨے بیان اچ انھاں شہید پولیس اہلکاراں کوں خراجِ عقیدت پیش کریندیں آکھیے جو زیارت اچ پولیس چوکی تے دہشت گرد حملہ ملک دشمن عناصر دی مذموم سازش اے، دہشت گرد عناصر آپݨے مذموم عزائم اچ کݙاہیں کامیاب نئی تھی سڳدے. انھاں آکھیا جو شہداء دیاں قربانیاں قوم دے عزم کوں مزید تکڑا بݨیندن، پولیس تے سکیورٹی اداریں دی بہادری تے پیشہ ورانہ صلاحیتاں کوں پوری قوم سلام پیش کریندی اے۔ سپیکر قومی اسمبلی حملے اچ شہید تھیوݨ آلے پولیس اہلکاراں دے اہل خانہ نال دلی ہمدردی تے تعزیت کریندیں آکھیا جو ملک اچ امن، استحکام تے قانون دی بالادستی دے خلاف ہر سازش کوں ناکام بݨایا ویسی۔ انھاں آکھیا جو قوم پولیس تے سکیورٹی اداریں دے نال سیسہ پلائی دیوار دی وانڳوں کھڑی اے۔ سپیکر سردار ایاز صادق شہید اہلکاراں دے درجات دی بلندی تے ݙکھی خانداناں کیتے صبرِ دی دعا کیتی۔