اسلام آباد۔7 جولائی (اے پی پی) وفاقی وزیر منصوبہ بندی، ترقی و خصوصی اقدامات پروفیسر احسن اقبال امریکا دے دورے دے دوران الینوائے انسٹی ٹیوٹ آف ٹیکنالوجی (آئی آئی ٹی) شکاگو دے صدر راج اچمبادی نال اہم ملاقات کیتی جیں اچ پاکستان تے آئی آئی ٹی دے وچال اعلیٰ تعلیم، تحقیق، اختراع تے افرادی قوت دی ترقی دے شعبیں اچ تعاون ودھاوݨ تے اتفاق کیتا ڳیا۔ وزارتِ منصوبہ بندی، ترقی …
وفاقی وزیر پروفیسراحسن اقبال دیاں امریکا اچ اہم ملاقاتاں
مزید خبراں
اسلام آباد۔7 جولائی (اے پی پی) وفاقی وزیر منصوبہ بندی، ترقی و خصوصی اقدامات پروفیسر احسن اقبال امریکا دے دورے دے دوران الینوائے انسٹی ٹیوٹ آف ٹیکنالوجی (آئی آئی ٹی) شکاگو دے صدر راج اچمبادی نال اہم ملاقات کیتی جیں اچ پاکستان تے آئی آئی ٹی دے وچال اعلیٰ تعلیم، تحقیق، اختراع تے افرادی قوت دی ترقی دے شعبیں اچ تعاون ودھاوݨ تے اتفاق کیتا ڳیا۔ وزارتِ منصوبہ بندی، ترقی و خصوصی اقدامات توں جاری پریس ریلیز موجب ملاقات اچ ݙوہیں فریقاں طلبہ تے اساتذہ دے تبادلے، مشترکہ تحقیقی منصوبیں، صنعتی رابطے دے ودھارے تے تعلیمی شراکت داری کوں مزید وسعت ݙیوݨ تے اتفاق کیتا۔ایں موقع تے آئی آئی ٹی دے صدر راج اچمبادی پاکستان اچ آئی آئی ٹی دا کیمپس قائم کرݨ اچ دلچسپی تے آمادگی دا اظہار کیتا جڈانجو پاکستان دے آئی ٹی اداریں دی استعداد کار ودھاوݨ تے صنعت نال رابطے تکڑے بݨاوݨ اچ تعاون دا یقین ݙیوائے ۔ وفاقی وزیر احسن اقبال آکھیا جو پاکستان اچ آئی آئی ٹی دے کیمپس دا قیام ملکی تعلیمی شعبے کیتے ہک تاریخی پیشرفت ثابت تھیسی۔ انھاں آکھیا جو جدید تقاضیں موجب آئی ٹی جامعات کوں مارکیٹ دیاں لوڑھں نال ہم آہنگ اپلائیڈ یونیورسٹیز اچ بدالݨ ویلھے دی اہم لوڑھ اے جڈانجو تحقیق کوں صنعت تے حکومتی لوڑھاں نال جوڑݨ قومی ترقی دی مضبوط بنیاد اے۔ایں توں انڄ، وفاقی وزیر احسن اقبال شکاگو دے میئر برینڈن جانسن نال وی ملاقات کیتی جیں اچ تعلیم، شہری تعاون، پاک-امریکا تعلقات تے علاقائی امن سمیت مختلف امور تے ڳالھ کیتی ۔ پروفیسر احسن اقبال میئر برینڈن جانسن کوں تعلیم، مساوات تے سماجی انصاف دے ودھارے کیتے انھاں دیاں خدمات تے خراجِ تحسین پیش کیتا۔ ملاقات اچ لاہور تے شکاگو وچال سٹر سٹیز تعلقات کوں مزید تکڑا بݨاوݨ تے تعلیمی و ثقافتی رابطے ودھاوݨ تے وی اتفاق کیتا ڳیا۔ وفاقی وزیر میئر کوں شکاگو دیاں جامعات دے نال پاکستان دیاں نویاں تعلیمی شراکت داریاں دا ݙسیندے آکھیا جو پاکستان خطے اچ امن و استحکام دے ودھارے تے ایران-امریکا کشیدگی مکاوݨ کیتے آپݨا مثبت تے تعمیری کردار ادا کریندا رہسی۔ ایں موقع تے میئر برینڈن جانسن خطے اچ امن کیتے پاکستان دیاں کوششاں دی تعریف کریندے پاکستان تے امریکی جامعات وچال تعاون ودھاوݨ دی مکمل حمایت دا یقین ݙیوایا۔ انھاں احسن اقبال دی دعوت قبول کریندیں مستقبلِ نیڑے اچ پاکستان تے لاہور دے دورے اچ دلچسپی دا وی اظہار کیتا۔
