نیویارک۔8 جولائی (اے پی پی) وفاقی وزیرِ داخلہ تے انسدادِ منشیات محسن نقوی اقوامِ متحدہ دے ہیڈ کوارٹر اچ سری لنکا دے ہم منصب آنند وجے پالا نال ملاقات کیتی جئیں اچ آپسی دلچسپی دے معاملیاں تے سکیورٹی تعاون بارے ڳالھ کیتی ڳئی۔ ݙوہائیں رہنماؤں انسدادِ منشیات دے حوالے نال مؤثر کوآرڈینیشن تے پولیس ٹریننگ کیتے آپسی تعاون کوں مزید ودھاوݨ دا فیصلہ کیتا۔ ایں دے علاوہ غیر قانونی امیگریشن …
وزیرِ داخلہ محسن نقوی دی سری لنکن ہم منصب نال ملاقات، آپسی دلچسپی دے معاملیاں تے سکیورٹی تعاون بارے ڳالھ مہاڑ
مزید خبراں
نیویارک۔8 جولائی (اے پی پی) وفاقی وزیرِ داخلہ تے انسدادِ منشیات محسن نقوی اقوامِ متحدہ دے ہیڈ کوارٹر اچ سری لنکا دے ہم منصب آنند وجے پالا نال ملاقات کیتی جئیں اچ آپسی دلچسپی دے معاملیاں تے سکیورٹی تعاون بارے ڳالھ کیتی ڳئی۔ ݙوہائیں رہنماؤں انسدادِ منشیات دے حوالے نال مؤثر کوآرڈینیشن تے پولیس ٹریننگ کیتے آپسی تعاون کوں مزید ودھاوݨ دا فیصلہ کیتا۔ ایں دے علاوہ غیر قانونی امیگریشن تے جعلی پاسپورٹ تے سفر کرݨ آلے عناصر دی روک تھام کیتے وی اشتراکِ کار تیز کرݨ تے اتفاق کیتا ڳیا جئیں دے تحت ݙوہائیں ملکاں دے امیگریشن سربراہان فی الفور ہک ٻئے نال رابطہ کریسن۔ ݙوہائیں وزرائے داخلہ جرائم پیشہ افراد دے نیٹ ورکس تے منی لانڈرنگ دے خاتمے کیتے ہک مفاہمتی یادداشت (ایم او یو) تے وی ڳالھ کیتی۔ ایں تعاون کوں مستقل بنیاداں تے اڳوں ودھاوݨ کیتے ݙوہائیں وزارتاں وچال ہک ’’جوائنٹ ورکنگ گروپ‘‘ تشکیل ݙیوݨ تے ویزا بارے درپیش مسائل کوں ترجیحی بنیاداں تے حل کرݨ تے وی اتفاق کیتا ڳیا.
