صدرِ مملکت آصف علی زرداری دا نجی کارگو طیارے دے بحیرہِ عرب اچ لاپتہ تھیوݨ تے افسوس

اسلام آباد۔8 جولائی (اے پی پی) صدرِ مملکت آصف علی زرداری نجی کارگو طیارے دے بحیرہِ عرب اچ لاپتہ تھیوݨ تے افسوس کیتے۔ بدھ کوں ایوانِ صدر دے پریس ونگ توں جاری بیان دے مطابق صدرِ مملکت لاپتہ طیارے دے عملے دی خیریت کیتے دعا کریندیں ہوئیں سرچ اینڈ ریسکیو آپریشن دی کامیابی دی امید ظاہر کیتی۔ انھاں طیارے دے عملے دے اہل خانہ نال دلی ہمدردی دا اظہار کریندیں ہوئیں ایں آزمائش دی گھڑی اچ انھاں نال مکمل یکجہتی دا اظہار کیتا۔ صدرِ مملکت آکھیا جو پوری قوم لاپتہ عملے دے اہل خانہ دے ݙکھ اچ برابر دی شریک اے۔