اسلام آباد۔8 جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار چین اچ تباہ کن چھل توں تھیوݨ آلے جانی تے مالی ضیان تے ݙکھ تے افسوس کیتے ۔سماجی رابطہ دے پلیٹ فارم "ایکس" تے آپݨے پیغام اچ انھاں آکھیا جو چین دے کجھ علاقیں اچ آوݨ آلی چھل تے اساکوں ݙکھ تے افسوس اے۔ انھاں آکھیا جو اساݙیاں ہمدردیاں انھاں خانداناں دے نال ہن جنھاں …
نائب وزیرِ اعظم محمد اسحاق ڈار دا چین اچ تباہ کن چھل توں تھیوݨ آلے ضیان تے اظہارِ افسوس
مزید خبراں
اسلام آباد۔8 جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار چین اچ تباہ کن چھل توں تھیوݨ آلے جانی تے مالی ضیان تے ݙکھ تے افسوس کیتے ۔سماجی رابطہ دے پلیٹ فارم “ایکس” تے آپݨے پیغام اچ انھاں آکھیا جو چین دے کجھ علاقیں اچ آوݨ آلی چھل تے اساکوں ݙکھ تے افسوس اے۔ انھاں آکھیا جو اساݙیاں ہمدردیاں انھاں خانداناں دے نال ہن جنھاں آپݨے پیاریں کوں ونڄا ݙتے تے اساں سارے زخمی لوکاں دی صحت یابی کیتے دعا کریندوں۔ نائب وزیرِ اعظم آکھیا جو اساں چینی حکومت دے پاسوں وقتی امدادی تے بچاؤݨ دیاں کارروائیاں کوں قدر دی نگاہ نال ݙیکھدوں تے قدرتی آفت دا مقابلہ کرݨ آلے چینی عوام دے غیر معمولی حوصلے تے عزم دی تعریف کریندوں ۔ انھاں آکھیا جو پاکستان آپݨے چینی بھراواں تے بھیݨاں نال تکڑا تھی تے کھڑے، ݙکھ ہووے یا اوکھا ویلھا اساݙی دوستی ہمیشہ تکڑی تے اُچی رہندی اے
