وفاقی وزیرِاطلاعات عطاء اللہ تارڑ دا پی ایف یو جے دی سابق سیکرٹری جنرل فوزیہ شاہد دے گھر آلے کامریڈ شاہد عثمانی دے انتقال تے اظہارِ افسوس

اسلام آباد۔8 جولائی (اے پی پی) وفاقی وزیرِاطلاعات و نشریات عطاء اللہ تارڑ پاکستان فیڈرل یونین آف جرنلسٹس (پی ایف یو جے) دی سابق سیکرٹری جنرل تے ممبر فیڈرل ایگزیکٹو کونسل (ایف ای سی) فوزیہ شاہد دے گھر آلے کامریڈ شاہد عثمانی دے انتقال تے ݙکھ تے افسوس کیتے۔ آپݨے تعزیتی بیان اچ وفاقی وزیرِ اطلاعات ݙکھی خاندان نال دلی تعزیت تے ہمدردی دا اظہار کیتا۔ انھاں آکھیا جو کامریڈ شاہد عثمانی دے انتقال دی خبر سݨ تے دلی افسوس تھئے۔ انھاں آکھیا جو مرحوم دی صحافتی تے سماجی خدمات کوں ہمیشہ یاد رکھیا ویسی۔ مرحوم شاہد عثمانی آپݨی زندگی اصولاں، جمہوری اقدار تے عوامی حقوق کیتے جدوجہد اچ گزاری۔ عطاء اللہ تارڑ آکھیا جو ݙکھے ویلھے فوزیہ شاہد، اہل خانہ تے سارے پسماندگان نال دلی ہمدردی تے تعزیت کرینداں۔ انھاں دعا کیتی جو اللہ تعالیٰ مرحوم کوں آپݨے جوارِ رحمت اچ اعلیٰ مقام عطا فرماوے تے لواحقین کوں اے ݙکھ حوصلے تے صبر دے نال برداشت کرݨ دی توفیق ݙیوے۔ آمین۔