اسلام آباد۔8 جولائی (اے پی پی) چیف جسٹس پاکستان یحییٰ آفریدی آکھیے جو مسلسل عدالتی تربیت، بین الصوبائی تعاون تے بہترین عدالتی روایات دا تبادلہ ملک اچ انصاف دے نظام کوں مزید مؤثر، شفاف تے قابلِ اعتماد بݨاوݨ کیتے ناگزیر اے، عدلیہ دا اصلاحاتی ایجنڈا شہریاں کوں جدید، ٹیکنالوجی تے مبنی، شفاف تے مؤثر نظامِ انصاف ݙیوݨ تے مرکوز اے۔ سپریم کورٹ دے شعبہِ تعلقاتِ عامہ دے جاری اعلامیہ موجب …
مسلسل عدالتی تربیت تے بین الصوبائی تعاون مؤثر، شفاف تے قابلِ اعتماد نظامِ انصاف کیتے ناگزیر ہن، چیف جسٹس پاکستان
مزید خبراں
اسلام آباد۔8 جولائی (اے پی پی) چیف جسٹس پاکستان یحییٰ آفریدی آکھیے جو مسلسل عدالتی تربیت، بین الصوبائی تعاون تے بہترین عدالتی روایات دا تبادلہ ملک اچ انصاف دے نظام کوں مزید مؤثر، شفاف تے قابلِ اعتماد بݨاوݨ کیتے ناگزیر اے، عدلیہ دا اصلاحاتی ایجنڈا شہریاں کوں جدید، ٹیکنالوجی تے مبنی، شفاف تے مؤثر نظامِ انصاف ݙیوݨ تے مرکوز اے۔ سپریم کورٹ دے شعبہِ تعلقاتِ عامہ دے جاری اعلامیہ موجب سپریم کورٹ آف پاکستان اچ جوڈیشل فیلوشپ پروگرام دے شرکا جنھاں اچ ملک توں تعلق رکھݨ آلے جوڈیشل افسران شامل ہن، چیف جسٹس پاکستان نال ملاقات کیتی۔ اے فیلوشپ پروگرام سندھ جوڈیشل اکیڈمی دے زیرِ اہتمام ریسرچ سوسائٹی آف انٹرنیشنل لاء (آر ایس آئی ایل) دے تعاون نال منعقد کیتا ویندا پئے۔ ایں موقع تے بریفنگ ݙیندیں ݙسایا ڳیا جو جوڈیشل فیلوشپ پروگرام دا آغاز انھاں دے عدالتی اصلاحاتی وژن دے تحت کیتا ڳئے جیں دا مقصد بین الصوبائی تعاون کوں ودھاوݨ، جوڈیشل افسران دی پیشہ ورانہ صلاحیتاں اچ ودھارا، تحقیق تے مبنی تعلیم، عدالتی فلاح و بہبود تے مختلف صوبیں دے عدالتی تجربیں توں فیدہ چاوݨا اے۔چیف جسٹس یحییٰ آفریدی ایں اقدام دی تعریف کریندے آکھیا جو ایں نوعیت دے پروگرام عدالتی اداریں وچال ہم آہنگی کوں ودھارا ݙیندن، بہترین عدالتی طریقہِ کار دے تبادلے دا موقع ݙیندن تے جوڈیشل افسران دی پیشہ ورانہ استعداد کوں مزید تکڑا بݨیندن. انھاں آکھیا جو اعلیٰ معیار دی عدالتی تعلیم تے بین الصوبائی رابطے انصاف ݙیوݨ اچ یکسانیت، معیار تے عوامی اعتماد دے ودھارے کیتے اہم ہن۔ چیف جسٹس شرکا کوں عدلیہ دے جاری اصلاحاتی پروگرام دا ݙسیا تے آکھیا جو قومی جوڈیشل (پالیسی میکنگ) کمیٹی (این جے پی ایم سی) دے تحت ملک دی ضلعی عدالتاں اچ ایکسیس ٹو جسٹس ڈویلپمنٹ فنڈ دے ذریعے سولر انرجی سسٹمز، ای لائبریریاں، قابلِ اعتماد انٹرنیٹ، صاف پیوݨ دے پاݨی دی سہولت تے تریمت سائلین کیتے محفوظ جہیں ݙتیاں ویندیاں پئن جڈانجو اِنھاں منصوبیں دی تکمیل اگست 2026ء تئیں متوقع اے۔انھاں مزید ݙسایا جو جینڈر ریسپانسیو جسٹس انیشی ایٹو 2027 دے تحت ملک اچ تریمت سہولت مراکز دے دائرہِ کار کوں مزید وسعت ݙتی ویسی تانجو عدالتاں نال رجوع کرݨ آلیاں تریمتاں کوں باوقار، مربوط تے سوکھی خدمات میسرآسڳن۔ ملاقات دے چھیکڑ تے تے سوال و جواب دی نشست وی منعقد تھئی جیں اچ چیف جسٹس جوڈیشل افسران دے مختلف سوالات دے جواب ݙتے تے انھاں کوں تلقین کیتی جو او دیانت داری، پیشہ ورانہ مہارت، جدت تے عوامی خدمت دے جذبے دے نال انصاف ݙیوݨ دے مشن کوں اڳوں ودھائن۔
