اسحاق ڈار دی صدارت اچ او آئی سی دی تریمتاں متعلق 9ویں وزارتی کانفرنس دی تیاریاں دی نگرانی کرݨ آلی اعلیٰ سطحی کمیٹی دا اجلاس

اسلام آباد۔8 جولائی (اے پی پی) نائب وزیراعظم و وزیرِ خارجہ سینیٹر محمد اسحاق ڈار اسلامی تعاون تنظیم (او آئی سی) دی تریمتاں متعلق 9ویں وزارتی کانفرنس دی تیاریاں دی نگرانی کرݨ آلی اعلیٰ سطحی کمیٹی دے ستویں اجلاس دی صدارت کیتی۔ پاکستان ایں اہم کانفرنس دی میزبانی 12 تے 13 جولائی 2026ء کوں کریسی۔ وزارتِ خارجہ توں جاری بیان موجب اجلاس اچ کانفرنس دی تیاریاں دا تفصیلی جائزہ ڳھدا ڳیا جیں اچ کانفرنس دی جاہ، پروگرام، غیر ملکی وفد دی سہولت کاری، پروٹوکول، سکیورٹی، لاجسٹکس، میڈیا انتظامات تے مختلف وزارتاں وچال رابطہ کاری سودھے سارے انتظامی امور دا احاطہ کیتا ڳیا تانجو کانفرنس دے کامیاب، منظم تے خوش اسلوبی نال انعقاد کوں یقینی بݨایا ونڄ سڳے۔نائب وزیراعظم و وزیرِ خارجہ تیاریاں دے چھیکڑی مرحلے اچ سارے انتظامات کوں بلا نقص و خامی مکمل کرݨ دی اہمیت تے زور ݙیندیں متعلقہ وزارتاں تے اداریاں کوں ہدایت کیتی جو او مکمل طور تے متحرک رہن، سانجھے رابطے کوں مزید مؤثر بݨاون تے سارے باقی ماندہ امور مقررہ مدت دے اندر مکمل کرن۔ اجلاساچ وزیراعظم دے معاونِ خصوصی طارق باجوہ، پارلیمانی سیکریٹری انسانی حقوق صباء صادق، وزارتِ انسانی حقوق تے کابینہ ڈویژن دے وفائق سیکریٹریز جڈانجو متعلقہ وزارتاں تے اداریاں دے سینئر حکام شرکت کیتی۔