پاک بحریہ دی پاکستان میری ٹائم سکیورٹی ایجنسی دی سانجھ نال وقتی کارروائی، اورماڑہ دے مشرق اچ ٻُݙݨ آلے کارگو دھاؤ توں سارے 20 پاکستانی عملے دے ارکان کوں بحفاظت بچا ڳھدا گئے

راولپنڈی۔9 جولائی (اے پی پی) پاک بحریہ پاکستان میری ٹائم سکیورٹی ایجنسی دے اشتراک نال وقتی تے مربوط ہنگامی کارروائی کریندیں اورماڑہ دے مشرق اچ ٻݙݨ آلے ہک کارگو دھاؤ توں سارے 20 پاکستانی عملے دے ارکان کوں بحفاظت بچا ڳھدے۔ پاک فوج دے شعبہِ تعلقاتِ عامہ (آئی ایس پی آر) توں جاری بیان موجب اطلاع موجب کارگو دھاؤ اچ پاݨی بھرݨ پاروں ایں دے ٻݙݨ دا خطرہ پیدا تھی ڳیا ہئی۔جوائنٹ میری ٹائم انفارمیشن کوآرڈی نیشن سینٹر کوں ملݨ آلی امدادی کال دے وقتی بعد پاک بحریہ دے جہاز پی این ایس حنین تے ضروری فضائی وسائل کوں امدادی کارروائی کیتے روانہ کر ݙتا ڳیا۔ ریسکیو ٹیماں دی پیشہ ورانہ مہارت تے وقتی کارروائی دے نتیجے اچ سارے 20 لوکاں کوں بحفاظت بݙدے ہوئے جہاز توں کڈھ ڳھدا ڳیا۔ ریسکیو کیتے ڳئے سارے لوکاں کوں ضروری طبی سہولتاں ݙتیاں ویندیان پئن۔اے کامیاب آپریشن پاک بحریہ تے پاکستان میری ٹائم سکیورٹی ایجنسی دے ایں غیر متزلزل عزم دا مظہر اے جو او سمندر اچ انسانی جاناں دے تحفظ کوں یقینی بݨاوݨ تے ہر ویلھے سمندری ہنگامی صورتحال نال مؤثر انداز اچ نبٹݨ کیتے مکمل طور تے تیار ہن۔