پاکستان تے امریکہ وچال “سانجھے تجارتی معاہدے” متعلق مذاکرات واشنگٹن ڈی سی اچ جاری ہن، طاہرحسین اندرابی

اسلام آباد۔9 جولائی (اے پی پی) دفترِ خارجہ دے ترجمان طاہر حسین اندرابی آکھیے جو پاکستان تے امریکہ وچال “سانجھے تجارتی معاہدے” متعلق مذاکرات واشنگٹن ڈی سی اچ جاری ہن۔ دفترِ خارجہ دے ترجمان ہک بیان اچ ݙسایا جو مذاکرات دا مقصد پاکستان تے امریکہ وچال تجارتی تعلقات کوں مزید ودھارا ݙیوݨ، سانجھی تجارت اچ سہولت کاری تے ݙوطرفہ اقتصادی تعاون دے نویں موقع ڳولݨ اے تے موجودہ تجارت اچ تنوع تے ودھارے دا رستہ ہموار کرݨا اے۔پاکستانی وفد دی قیادت سیکرٹری تجارت جواد پال کریندے پئے ہن جݙاں جو وفد اچ طاہر حسین اندرابی (ایڈیشنل سیکرٹری اے سی ڈی آئی ایس)، ندیم چوہدری (سیکرٹری او پی ایچ آر ڈی) تے جوائنٹ سیکرٹری ٹیرف پالیسی اشفاق خان شامل ہن۔ متعلقہ وزارتاں دے نمائندے ورچوئل آن لائن پلیٹ فارم دے ذریعے مذاکرات اچ شریک ہن۔