اسلام آباد۔10 جولائی (اے پی پی) وزیرِاعظم محمد شہباز شریف اقوامِ متحدہ دے منشور دے مقاصد تے اصولوں دی پاسداری، اقوامِ متحدہ دی سلامتی کونسل دیاں قرارداداں تے من و عن عملدرآمد تے عالمی امن، سلامتی تے خوشحالی دے فروغ کیتے بین الاقوامی قانون تے معاہدیاں دے احترام دے حوالے نال پاکستان دے مستقل تے غیر متزلزل عزم دا اعادہ کیتے۔ جمعے کوں وزیرِاعظم آفس دے میڈیا ونگ توں جاری …
وزیرِاعظم شہباز شریف نال اقوامِ متحدہ دے سیکریٹری جنرل دے عہدے دے امیدوار میکی سال دی ملاقات
مزید خبراں
اسلام آباد۔10 جولائی (اے پی پی) وزیرِاعظم محمد شہباز شریف اقوامِ متحدہ دے منشور دے مقاصد تے اصولوں دی پاسداری، اقوامِ متحدہ دی سلامتی کونسل دیاں قرارداداں تے من و عن عملدرآمد تے عالمی امن، سلامتی تے خوشحالی دے فروغ کیتے بین الاقوامی قانون تے معاہدیاں دے احترام دے حوالے نال پاکستان دے مستقل تے غیر متزلزل عزم دا اعادہ کیتے۔ جمعے کوں وزیرِاعظم آفس دے میڈیا ونگ توں جاری بیان دے مطابق وزیرِاعظم محمد شہباز شریف نال اقوامِ متحدہ دے سیکریٹری جنرل دے عہدے دے امیدوار میکی سال اتھاں وزیرِاعظم ہاؤس اچ ملاقات کیتی۔ وزیرِاعظم میکی سال دا خیرمقدم کریندیں ہوئیں کثیرالجہتی تعاون کیتے پاکستان دے غیر متزلزل عزم دا اعادہ کیتا اتے عالمی امور اچ اقوامِ متحدہ دے مرکزی کردار کیتے پاکستان دی مضبوط تے غیر متزلزل حمایت دا اظہار کیتا۔ وزیرِاعظم امید کیتی جو اقوامِ متحدہ دی آئندہ قیادت، ادارے دے ترائے بنیادی ستوناں، یعنی عالمی امن و سلامتی، ترقی تے انسانی حقوق کوں متوازن انداز اچ اڳوں ودھاوݨ کیتے مؤثر کردار ادا کریسی۔ وزیرِاعظم اقوامِ متحدہ دے منشور دے مقاصد تے اصولاں دی پاسداری، اقوامِ متحدہ دی سلامتی کونسل دی قرارداداں تے من و عن عملدرآمد تے عالمی امن، سلامتی تے خوشحالی دے فروغ کیتے بین الاقوامی قانون تے معاہدات دے احترام دے حوالے نال پاکستان دے مستقل تے غیر متزلزل عزم دا اعادہ کیتا۔ میکی سال اقوامِ متحدہ کیتے پاکستان دی دیرینہ تے گراں قدر خدمات کوں سراہیندیں ہوئیں عالمی امن دے فروغ کیتے جاری کوششاں اچ پاکستان دی قیادت دے تعمیری کردار دی تعریف کیتی۔
