اسلام آباد۔10 جولائی (اے پی پی) وزیرِاعظم محمد شہباز شریف منگی ڈیم پولیس سٹیشن واقعے دے بعد پاک فوج، ایف سی تے بلوچستان پولیس دے ’’آپریشن شعبان‘‘ دی کامیابی تے سکیورٹی فورسز کوں زبردست خراجِ تحسین پیش کریندیں آکھیے جو فتنہ الخوارج دے خلاف گرینڈ آپریشن اچ ہݨ تئیں 75 دہشت گرداں کوں ہلاک کرݨ فورسز دی اعلیٰ پیشہ ورانہ صلاحیتاں دا منہ ٻولیندا ثبوت اے۔ وزیرِاعظم دفتردے میڈیا ونگ …
وزیرِاعظم محمد شہباز شریف دا منگی ڈیم پولیس سٹیشن واقعے دے بعد پاک فوج، ایف سی تے بلوچستان پولیس دے ’’آپریشن شعبان‘‘ دی کامیابی تے سکیورٹی فورسز کوں زبردست خراجِ تحسین
مزید خبراں
اسلام آباد۔10 جولائی (اے پی پی) وزیرِاعظم محمد شہباز شریف منگی ڈیم پولیس سٹیشن واقعے دے بعد پاک فوج، ایف سی تے بلوچستان پولیس دے ’’آپریشن شعبان‘‘ دی کامیابی تے سکیورٹی فورسز کوں زبردست خراجِ تحسین پیش کریندیں آکھیے جو فتنہ الخوارج دے خلاف گرینڈ آپریشن اچ ہݨ تئیں 75 دہشت گرداں کوں ہلاک کرݨ فورسز دی اعلیٰ پیشہ ورانہ صلاحیتاں دا منہ ٻولیندا ثبوت اے۔ وزیرِاعظم دفتردے میڈیا ونگ توں جاری بیان موجب وزیرِاعظم سکیورٹی فورسز دی جرات تے بہادری دی تعریف کریندے آکھیے دشوار گزار پہاڑی علاقیں اچ آپریشن کیتے فورسز دی حکمتِ عملی قابلِ ستائش اے۔انھاں خضدار اچ پولیس سٹیشن تے دہشت گرداں دا حملہ پسپا کرݨ تے پاک فوج تے ایف سی دے دستیں دی کارروائی دی تعریف کریندے آکھیا جو فتنہ الخوارج دے مکمل خاتمے تئیں سکیورٹی فورسز تے قوم دے پختہ عزم اچ کوئی کمی نہ آسی، ملک توں دہشت گردی کوں منڈھوں مکیسوں ۔ انھاں آکھیا جو بلوچستان دے امن و امان کوں سبوتاژ کرݨ دی ہر سازش ناکام بݨا ݙتی ویسی، پوری قوم آپݨی بہادر افواج تے پولیس دے رلے کھڑی اے
