اسلام آباد۔10 جولائی (اے پی پی) صدرِ مملکت آصف علی زرداری بلوچستان اچ فتنہ الخوارج دے خلاف آپریشن شعبان دی کامیابی تے پاک فوج، ایف سی تے بلوچستان پولیس کوں خراجِ تحسین پیش کیتے۔ ایوانِ صدر دے پریس ونگ توں جاری بیان موجب صدرِمملکت آکھیے جو آپریشن شعبان ہک واری ول ثابت کیتے جو اساݙی سکیورٹی فورسز ہر خطرے نال نبڑݨ دی مکمل صلاحیت رکھیندی اے۔انھاں آکھیا جو پاکستان دے …
صدر آصف علی زرداری دا آپریشن شعبان دی کامیابی تے پاک فوج، ایف سی تے بلوچستان پولیس کوں خراجِ تحسین
مزید خبراں
اسلام آباد۔10 جولائی (اے پی پی) صدرِ مملکت آصف علی زرداری بلوچستان اچ فتنہ الخوارج دے خلاف آپریشن شعبان دی کامیابی تے پاک فوج، ایف سی تے بلوچستان پولیس کوں خراجِ تحسین پیش کیتے۔ ایوانِ صدر دے پریس ونگ توں جاری بیان موجب صدرِمملکت آکھیے جو آپریشن شعبان ہک واری ول ثابت کیتے جو اساݙی سکیورٹی فورسز ہر خطرے نال نبڑݨ دی مکمل صلاحیت رکھیندی اے۔انھاں آکھیا جو پاکستان دے خلاف پراکسی عناصر کوں استعمال کرݨ آلے آپݨے مذموم مقصد اچ کامیاب نہ تھیسن، قومی عزم ہر سازش توں زیادہ تکڑی اے۔ انھاں آکھیا جو بھارت تے کجھ ٻئے ملکاں دے پاکستان دشمن عناصر تے ادارے پاکستان دیاں اڄوکی سفارتی کامیابیاں کوں داغدار کرݨ کیتے کجھ ملک دشمن عناصر کوں کرائے دے قاتلاں دے طور تے استعمال کرتے اساݙے حوصلے پست کرݨ چاہندن۔ صدرِ مملکت آکھیا جو اساں پاکستان دیاں اڄوکی کامیابیاں کوں منطقی نتیجے تئیں پڄیسوں تے دہشت گردی کوں وی عوام دی مدد نال شکست ݙیسوں تے وطن دے دفاع تے کوئی سمجھوتہ نہ تھیسی۔ انھاں آکھیا جو ریاست دہشت گردی دے ناسور کوں ہرقیمت تے شکست ݙیسی۔
