اسلام آباد۔11 جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار ملک بھر اچ کھنڈ دی دستیابی دا جائزہ گھنݨ تے صارفین کیتے قیمتاں دے استحکام کوں یقینی بݨاوݨ کیتے ہفتے کوں اتھاں ہک اعلیٰ سطح دے اجلاس دی صدارت کیتی۔ دفترِ خارجہ دے مطابق وزارتِ نیشنل فوڈ سکیورٹی صوبائی محکمہِ خوراک دے تعاون نال کمیٹی کوں ملک اچ کھنڈ دے موجودہ ذخائر، پیداوار دے تخمینیاں …
نائب وزیرِاعظم محمد اسحاق ڈار دی صدارت کھنڈ دی دستیابی تے قیمتاں دے استحکام دے حوالے نال اجلاس
مزید خبراں
اسلام آباد۔11 جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار ملک بھر اچ کھنڈ دی دستیابی دا جائزہ گھنݨ تے صارفین کیتے قیمتاں دے استحکام کوں یقینی بݨاوݨ کیتے ہفتے کوں اتھاں ہک اعلیٰ سطح دے اجلاس دی صدارت کیتی۔ دفترِ خارجہ دے مطابق وزارتِ نیشنل فوڈ سکیورٹی صوبائی محکمہِ خوراک دے تعاون نال کمیٹی کوں ملک اچ کھنڈ دے موجودہ ذخائر، پیداوار دے تخمینیاں تے مارکیٹ اچ قیمتاں دے رجحانات بارے اچ بریفنگ ݙتی۔ صوبائی تے قومی سطح تے کھنڈ دے ذخائر توں متعلق پیش کیتے ڳئے اعداد و شمار دا تفصیلی جائزہ گھنݨ دے بعد کمیٹی کھنڈ دی مجموعی دستیابی تے سپلائی دی صورتحال تے اطمینان دا اظہار کیتا۔ اجلاس توں خطاب کریندیں ہوئیں نائب وزیرِاعظم کھنڈ دی بلا تعطل فراہمی تے صارفین کوں مناسب قیمتاں تے ایں دی دستیابی یقینی بݨاوݨ دے حکومتی عزم دا اعادہ کیتا۔ انھاں آکھیا جو حکومت ذخیرہ اندوزی، قیاس آرائی تے مصنوعی طور تے قیمتاں ودھاوݨ دے خلاف زیرو ٹالرنس دی پالیسی اپنیسی۔ اجلاس اچ وفاقی وزیرِ نیشنل فوڈ سکیورٹی رانا تنویر حسین، وزیرِاعظم دے معاونِ خصوصی طارق باجوہ، سیکرٹری نیشنل فوڈ سکیورٹی، فیڈرل بورڈ آف ریونیو (ایف بی آر) دے رکن تے وفاقی تے صوبائی حکومتاں دے اعلیٰ حکام شرکت کیتی۔
