پاک فوج، ایف سی بلوچستان تے پولیس دا مشترکہ ’’آپریشن شعبان‘‘ جاری، ٻئے 9 خارجی جہنم واصل

اسلام آباد۔11 جولائی (اے پی پی) بلوچستان اچ پاک فوج، ایف سی بلوچستان تے پولیس دا مشترکہ ’’آپریشن شعبان‘‘ جاری اے تے تازہ کارروائیاں دے دوران ٻئے 9 خارجیاں کوں جہنم واصل کیتا ڳئے- سکیورٹی ذرائع دے مطابق سکیورٹی فورسز دیاں فتنہ الخوارج دے دہشت گرداں دے خلاف مؤثر کارروائیاں جاری ہن تے دشوار گزار رستیاں تے پہاڑاں اچ لُیے ہوئے خارجی دہشت گرداں کوں ہوائی تے زمینی ایکشنز دے ذریعے نشانہ بݨایا ڳیا، تازہ کارروائیاں دے دوران ٻئے 9 خارجیاں کوں جہنم واصل کر ݙتا ڳئے جئیں دے بعد آپریشن شعبان اچ جہنم واصل تھیوݨ آلے دہشت گرداں دی مجموعی تعداد 52 تھی ڳئی اے۔ سکیورٹی ذرائع دے مطابق 5 جولائی توں ہݨ تائیں آپریشن شعبان تے ٻئے انٹیلی جنس بیسڈ آپریشنز اچ مجموعی طور تے 88 خارجی دہشت گرد جہنم واصل تھی ڳئن۔ سکیورٹی ذرائع دا آکھݨ اے جو آخری دہشت گرد دے خاتمے تائیں بلوچستان اچ آپریشن شعبان جاری رہسی۔