اسلام آباد۔11 جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار بندرگاہیں دے رابطہ نظام (پورٹ کنیکٹیویٹی) اچ بہتری دے حوالے نال ہفتے کوں ہک اعلیٰ سطح دے اجلاس دی صدارت کیتی۔ دفترِ خارجہ دے مطابق سیکرٹری میری ٹائم افیئرز کمیٹی کوں پاکستان دی بندرگاہیں دی موجودہ صورتحال تے انھاں دے استعمال دی صلاحیت دے بارے اچ تفصیلی بریفنگ ݙتی۔ نائب وزیرِاعظم ایں ڳالھ تے …
نائب وزیرِاعظم محمد اسحاق ڈار دی صدارت پورٹ کنیکٹیویٹی اچ بہتری دے حوالے نال اعلیٰ سطح دا اجلاس
مزید خبراں
اسلام آباد۔11 جولائی (اے پی پی) نائب وزیرِاعظم تے وزیرِ خارجہ سینیٹر محمد اسحاق ڈار بندرگاہیں دے رابطہ نظام (پورٹ کنیکٹیویٹی) اچ بہتری دے حوالے نال ہفتے کوں ہک اعلیٰ سطح دے اجلاس دی صدارت کیتی۔ دفترِ خارجہ دے مطابق سیکرٹری میری ٹائم افیئرز کمیٹی کوں پاکستان دی بندرگاہیں دی موجودہ صورتحال تے انھاں دے استعمال دی صلاحیت دے بارے اچ تفصیلی بریفنگ ݙتی۔ نائب وزیرِاعظم ایں ڳالھ تے زور ݙتا جو پاکستان دا جغرافیائی محل وقوع ہک اہم اثاثہ اے جیں توں بھرپور فائدہ چاوݨ دی ضرورت اے، پاکستان وسطی، جنوبی تے مغربی ایشیا دے سنگم تے واقع اے، رابطہ کاری دے نظام کوں بہتر بݨا تے ملک زیادہ توں زیادہ معاشی فوائد حاصل کر سڳدے۔ کمیٹی ملک دی بندرگاہیں دی ترقی، کارکردگی اچ اضافے تے مسابقتی صلاحیت کوں بہتر بݨاوݨ دے اقدامات دا جائزہ گھدا۔ اجلاس اچ بندرگاہیں دے رابطہ نظام کوں بہتر بݨاوݨ، آپریشنل امور کوں مؤثر بݨاوݨ، مختلف اداریاں وچال رابطہ کاری کوں مضبوط کرݨ، تجارت تے لاجسٹکس کوں سوکھا بݨاوݨ تے اصلاحات دے عمل کوں اڳوں ودھاوݨ تے وی غور کیتا ڳیا تانجو پاکستان دی بندرگاہیں کوں مؤثر علاقائی تجارتی مراکز دے طور تے ترقی ݙتی ونڄ سڳے۔ اجلاس اچ وزیرِ قانون و انصاف، وزیرِ بحری امور، معاونِ خصوصی وزیرِاعظم برائے محصولات طارق باجوہ، سیکرٹری میری ٹائم افیئرز، ڈائریکٹر جنرل این ایل سی، چیئرمین کراچی پورٹ اتھارٹی تے متعلقہ اداریاں دے اعلیٰ حکام شرکت کیتی۔
