پاکستان تے امریکہ وچال آپسی تجارت دے معاہدے تے مذاکرات دا واشنگٹن اچ انعقاد

اسلام آباد۔11 جولائی (اے پی پی) پاکستان تے امریکہ وچال آپسی تجارت دے معاہدے تے مذاکرات 9 تے 10 جولائی کوں واشنگٹن ڈی سی اچ تھئے۔ مذاکرات اچ شریک ترجمان دفترِ خارجہ طاہر حسین اندرابی دے مطابق مذاکرات خوشگوار ماحول اچ تھئے جنھاں دے دوران ݙوہیں فریقاں اختلافی امور کوں حل کرݨ تے مشترکہ نکات تے اتفاقِ رائے پیدا کرݨ کیتے پیش رفت کیتی تانجو معاہدے کوں جلد حتمی شکل ݙتی ونڄ سڳے۔  مذاکرات اچ پاکستانی وفد دی قیادت کرݨ آلے سیکرٹری تجارت جواد پال مذاکرات کوں مثبت قرار ݙیندیں ہوئیں آکھیا جو ڳالھ مہاڑ اچ اہم پیش رفت تھئی اے اتے ݙوہیں مکاں وچال معاہدے دے حوالے نال نمایاں پیش رفت حاصل کیتی ڳئی اے۔