پی ڈی ایم اے دی مون سون فلڈ دی صورتحال بارے فیکٹ شیٹ جاری، آندے چووی گھنٹیاں اچ پنجاب دے کئی ضلعیاں اچ ٻئیا مینہ وس سڳدے

لاہور۔13 جولائی (اے پی پی) پی ڈی ایم اے نے مون سون فلڈ دی صورتحال بارے فیکٹ شیٹ جاری کر ݙتی۔ ترجمان دے مطابق فیکٹ شیٹ اچ مون سون بارشاں، دریاواں، بیراجاں اتے ملحقہ ندی نالیاں تے ڈیمز اچ پاݨی دے بہاؤ دی تفصیلات سمیت مون سون بارشاں دے باعث نقصانات دی تفصیل وی شامل اے۔ ترجمان دے مطابق گزریل 24 گھنٹیاں اچ پنجاب دے کئی اضلاع اوکاڑہ اچ 29 ملی میٹر بارش، نارووال 23، ساہیوال 19، شیخوپورہ 11، گوجرانوالہ 9، فیصل آباد 8 تے لاہور اچ 7 ملی میٹر تائیں بارشیں ریکارڈ کیتی ڳئی۔ حافظ آباد، سیالکوٹ، جھنگ، لیہ، قصور تے خانیوال اچ وی بارش ریکارڈ کیتی ڳئی۔ ترجمان دے مطابق آندے چووی ڳھنٹیاں اچ وی پنجاب دے بیشتر اضلاع اچ بارشاں متوقع ہن۔ پنجاب دے سارے دریاواں اچ پاݨی دا بہاؤ معمول دے مطابق اے۔ دریائے سندھ، چناب، جہلم، راوی تے ستلج اچ پاݨی دا بہاؤ نارمل سطح تے اے۔ رودکوہیاں تے وݙے دریاواں نال ملحقہ ندی نالیاں اچ وی پاݨی دا بہاؤ نارمل سطح تے اے۔ ترجمان ݙسایا جو ڈی جی پی ڈی ایم عمر جاوید ولوں متعلقہ انتظامیہ کوں الرٹ رہݨ دیاں ہدایات کر ݙتی ڳئن۔ انھاں شہریاں توں اپیل کیتی جو موسمِ برسات اچ احتیاطی تدابیر اختیار کرن۔