اسلام آباد۔ 13 جولائی (اے پی پی) وفاقی وزیرریلوے محمد حنیف عباسی 1931 دے شہدا سودھے سارے شہدائے کشمیر کوں زبردست خراجِ عقیدت پیش کریندیں آکھیے جو انھاں دیاں قربانیاں تحریکِ آزادیِ کشمیر دی بنیاد تے کشمیری عوام دے عزم و حوصلے دی علامت ہن۔ یومِ شہدائے کشمیر دے موقع تے آپݨے پیغام اچ وفاقی وزیر آکھیا جو کشمیر دے شہدا حقِ خودارادیت تے آزادی کیتے لازوال قربانیاں ݙتیاں جنھاں …
کشمیر دے شہدا حقِ خودارادیت تے آزادی کیتے لازوال قربانیاں ݙتیاں جنھاں کوں ہمیشہ یاد رکھیا ویسی، محمد حنیف عباسی
اسلام آباد۔ 13 جولائی (اے پی پی) وفاقی وزیرریلوے محمد حنیف عباسی 1931 دے شہدا سودھے سارے شہدائے کشمیر کوں زبردست خراجِ عقیدت پیش کریندیں آکھیے جو انھاں دیاں قربانیاں تحریکِ آزادیِ کشمیر دی بنیاد تے کشمیری عوام دے عزم و حوصلے دی علامت ہن۔ یومِ شہدائے کشمیر دے موقع تے آپݨے پیغام اچ وفاقی وزیر آکھیا جو کشمیر دے شہدا حقِ خودارادیت تے آزادی کیتے لازوال قربانیاں ݙتیاں جنھاں کوں ہمیشہ یاد رکھیا ویسی۔انھاں آکھیا جو پاکستان کشمیری عوام دے جائز حقِ خودارادیت دی سیاسی، سفارتی تے اخلاقی حمایت ہر سطح تے جاری رکھیسی۔ محمد حنیف عباسی بھارت تے زور ݙتا جو او مقبوضہ جموں و کشمیر اچ انسانی حقوق دیاں سنگین خلاف ورزیاں دا سلسلہ بند کرے۔ انھاں آکھیا جو شہدائے کشمیر دا خون ضائع نہ ویسی تے آزادی دی جدوجہد آپݨے منطقی انجام تئیں ضرور پُڄسی۔ وفاقی وزیرریلوے آکھیا جو یومِ شہدائے کشمیر اساکوں قربانی، استقامت تے حق کیتے ثابت قدم رہݨ دا درس ݙیندے جݙاں جو پاکستان کشمیری عوام دے نال آپݨی غیر متزلزل یکجہتی برقراررکھیسی۔
