اسلام آباد۔ 13 جولائی(اے پی پی)وزیرِاعظم محمد شہباز شریف قطر دا ہک ݙینھ دا دورہ مکمل کر تے وطن واپس پڄ ڳئن۔ وزیرِاعظم آفس دے میڈیا ونگ ولوں جاری بیان دے مطابق وزیرِاعظم سنوار کوں ہک ݙینھ دے دورے تے قطر ڳئے ہن اتے ریاستِ قطر دے امیر دے والد شیخ حمد بن خلیفہ آل ثانی دے انتقال تے حکومتِ پاکستان اتے پاکستانی عوام ولوں ریاستِ قطر دی قیادت اتے …
وزیرِاعظم محمد شہباز شریف قطر دا ہک ݙینھ دا دورہ مکمل کر تے وطن واپس پڄ ڳئن
اسلام آباد۔ 13 جولائی(اے پی پی)وزیرِاعظم محمد شہباز شریف قطر دا ہک ݙینھ دا دورہ مکمل کر تے وطن واپس پڄ ڳئن۔ وزیرِاعظم آفس دے میڈیا ونگ ولوں جاری بیان دے مطابق وزیرِاعظم سنوار کوں ہک ݙینھ دے دورے تے قطر ڳئے ہن اتے ریاستِ قطر دے امیر دے والد شیخ حمد بن خلیفہ آل ثانی دے انتقال تے حکومتِ پاکستان اتے پاکستانی عوام ولوں ریاستِ قطر دی قیادت اتے عوام کوں پرچاوݨی ݙتی اتے ہمدردی کیتی۔ سابق وزیرِاعظم محمد نواز شریف، نائب وزیرِاعظم و وزیرِ خارجہ سینیٹر محمد اسحاق ڈار، وفاقی وزیرِ اطلاعات عطاء اللہ تارڑ اتے ٻئے اعلیٰ حکام وی وزیرِاعظم دے نال ہن۔ وزیرِاعظم پاکستان کیتے مرحوم دی گرمجوشی، شفقت اتے دیرینہ محبت کوں خراجِ عقیدت پیش کریندے انہاں دے پاکستان دے کئی یادگار دوریاں کوں وی یاد کیتے۔ وزیرِاعظم ایں ݙکھ اچ قطر دی قیادت اتے عوام نال پاکستان دی غیرمتزلزل یکجہتی ݙکھائی اتے دعا کیتی جو اللہ تعالیٰ مرحوم کوں جنت اچ ڄاہ ݙیوے۔ انھاں قطر دے شاہی خاندان اتے قطر دے برادر عوام کیتے وی دعا کیتی جو اللہ تعالیٰ انھاں کوں اے ناقابلِ تلافی صدمہ صبر و حوصلے نال سہݨ دی توفیق ݙیوے۔ امیرِ قطر وزیرِاعظم محمد شہباز شریف، سابق وزیرِاعظم میاں محمد نواز شریف، نائب وزیرِاعظم سینیٹر محمد اسحاق ڈار اتے پاکستانی وفد دا آپ آ تے تعزیت کرݨ تے شکریہ ادا کیتے اتے ایں جذبے کوں ݙوہیں ملکاں اتے عوام وچال ڳھاٹے برادرانہ تعلقات دا مظہر قرار ݙتا۔
