سعودی عرب، پاکستان تے ترکیہ، مکہ دفاعی معاہدہ، اسلامی تعاون تنظیم دا خیرسگالی دا سنیھا

اسلام آباد۔ 8 اگست (اے پی پی) اسلامی تعاون تنظیم (او آئی سی) دے سیکرٹری جنرل حسین ابراہیم طہٰ سعودی عرب، پاکستان تے ترکیہ وچال ’’مکہ دفاعی معاہدہ‘‘ کوں خوش آئند قرار ݙتے۔ مکہ دفاعی معاہدے دے حوالے نال او آئی سی دے سماجی رابطیاں دی ویب سائٹ ایکس اکاؤنٹ توں جاری آپݨے خیرسگالی دے سنیھے اچ سیکرٹری جنرل اہم سٹریٹجک اقدام کوں سراہندیں ہوئیں مکمل حمایت دا اظہار کیتا۔ تہنیتی سنیھے اچ سیکرٹری جنرل او آئی سی ترائیں ملکاں دی دانشمندانہ قیادت تے ان تھک کوششاں کوں سراہیا، جنھاں دی بدولت اے تاریخی معاہدہ ممکن تھیا۔ سیکرٹری جنرل ایں بات دا اعادہ کیتا جو اےمعاہدہ خطے تے اسلامی دنیا اچ امن تے استحکام کیتے کلیدی اہمیت دا حامل اے، اے معاہدہ خطے تے پوری مسلم دنیا اچ سلامتی تے استحکام دی حمایت کیتے ہک بنیادی ستون دی تشکیل کریندے۔ سیکرٹری جنرل او آئی سی آکھیا جو اے معاہدہ ودھدے ہوئے سکیورٹی چیلنجز دا مقابلہ کرݨ تے رکن ملکاں وچال یکجہتی تے تعمیری شراکت داری کوں فروغ ݙیوݨ دے مشترکہ عزم دا عکاس اے۔